噖日係bb生日,見到blog界啲貓貓個個都有birthday party...BB當然都要有返個先似樣..
Vivian: BB..個生日蛋糕係唔係好靚呢?
BB: 唔乜嚟嫁,都唔係肉肉嚟... 
就係咁,我同kenneth,仲有我嘅屋企人,只好食咗個彈蛋糕 ;p (其係係我妹妹想試下個彈蛋糕 ^^')
BB嘅婆婆話係佢比BB嘅生日禮物喎(其實係佢唔要之嫲) 不過BB就好鍾意喎..明明唔夠位,但係都要坐入去喎 ....你睇下佢隻手
每日阿pool都會懷住開心又緊張嘅心情去蜜糖罌到食佢最鍾意嘅蜜糖....
點知今日,當阿pool同以往一樣,又去到蜜糖罌到食佢最鍾意嘅蜜糖嘅時候..........
阿 pool :>< 啊!!!!!!!!!!邊個食晒我啲蜜糖呀?.......鳴鳴鳴... 
賊人竟然係.................阿仔!!
有一日當Vivian睇緊英文台的恐龍紀錄片嘅時候.........突然聽到一聲沉穩的猛獸叫聲....嚇得Vivian背脊一寒..雙目睜大.....戰戰兢兢...小心翼翼....生怕打草驚蛇.......這時映入眼中的可是一隻奇珍異獸...劍齒虎的血族......仔仔!!!
尋晚得到一個壞消息, 就係仔仔同BB嘅貓媽媽--阿雪離開咗我哋啦.....貓嗚(註:貓嗚係BB唔開心時會發出嘅叫聲)
阿雪只係六歲, 但已經係多子之媽媽啦....記得第一次見阿雪係BB二個月大嘅時候,去我教練屋企帯BB返屋企嘅時候,教練屋企有7隻貓,BB係第8隻,當時BB好細隻,但已經要撩交打,同大過自己n倍(係當時,因為而家BB可能已經大隻過佢哋啦)啲貓貓打交,佢媽媽即刻保護佢,要兇人,等其他貓貓唔好打BB,但BB仲係唔識死,仲係要行埋去人哋度,咁雪媽媽即時兇BB等BB唔好行埋去,當時BB真係無再行埋去...
前年,因為教練搬屋,所以我都同貓媽媽,貓家姐,貓爸爸,同2隻貓anties住過一排...貓媽媽同貓家姐同BB一樣係白色,如果只睇相嚟分都有啲難度,但係見到貓貓就會分到,因為阿雪啲淚管塞咗,所以佢隻眼下有一點好大嘅淚痕....
記得當日佢哋嚟到,貓媽媽同貓家姐同BB一樣八卦,又唔怕人,所以好快已經可以出嚟玩,佢一見到BB就係咁聞BB個pat pat,BB好驚....唔知阿雪係咪知道BB係佢嘅仔仔呢?
阿雪臨去之前幾日仲生左小bb, 但係小bb當然係唔得啦, 唔知阿雪係唔係唔放心小bb,所以過咗幾日,阿雪就去咗倍小bb............
阿雪走了,我就成為咗BB嘅唯一媽媽啦,我會好好咁照顧BB同仔仔,放心啦....再見, 阿雪!
要做一個負責任嘅主人,除咗自己預備好之外,家人嘅support都好重要嫁..
好似我個同事咁,有日佢叫我收留佢隻老貓,同事嘅貓貓已經十幾歲,養咗咁耐先唔要,原因係佢老婆唔鐘意喎....唉...後來點,我都無問啦,又幫唔到人.......你話可以點....
好似我咁,除咗我同哥話要養BB同仔仔,其實成家人都唔多唔少都要負一啲責任,例如佢哋好幫手清理貓貓廁所,喂貓貓食嘢,同佢哋玩,要忍受bb(貓)啲叫聲,同會多咗好多毛係屋企同啲衫到等等,如果佢哋唔合作,咁都幾煩.....
不過我同BB都好好彩,因為kenneth已經考慮到呢個問題(雖然我哋距離結婚都仲有好長嘅日子 :p ),佢都會幫我成為負責任嘅主人,kenneth話如果我哋結婚,kenneth都唔會唔要BB嘅(如果唔係就慘啦 >< ), 不過kenneth就為咗BB而傷腦筋,因為唔知kenneth嘅屋企人會唔會唔鐘意BB啦,亦都係咁,可能住屋嘅按排又要好好咁計畫一下.....(唯有自己鎌多啲錢,幫輕下kenneth啦!)
所以養寵物之前,一定要同屋企人相量一下先得.....
近日市面發現有巨型士多啤梨出售,每粒HK$75........
(vivian: 食士多啤梨一定要大粒啦, 尋常嘅大細以滿足唔到我啦...)
咁vivian 就買咗一粒返去試下啦...
一返到屋企打開點知....嘩....有大虫呀!!
其實巨型士多啤梨屋係仔仔生日禮物嚟, 點知一返去,bb就要飲頭啖湯...
仔仔好鍾意間屋仔,成晚係入面唔出嚟....
P.S.
古代的中國人把所有動物都叫“蟲”，無論天上飛的，還是地上走的，爬的，或者是水中游的。魚叫水蟲，鳥叫羽蟲，龜叫介蟲。那些沒有羽毛、鱗片和甲殼等遮蓋東西的動物，則以裸蟲相稱。
高大健壯、性情勇猛、享有“百獸之王”之稱的老虎，古人習慣稱它為“大蟲”。
至於以上兩隻肯定係中華大”懶”虫!!!!
Vivian ^^ : 咦?! BB 仲訓緊喎...嘻嘻!個頭好似個义燒包咁...影張相先...咳喳(相機聲)..
BB >''< : 喵 o0O....
Vivian ^^ : BB! 新年快樂呀!
BB >''< (心諗): 咦?! 仲好早喎......訓多陣先...
Vivian ^^ : 2007年到左啦...BB起身同大家打招呼啦! .....仲唔起身喎!....等我扯開你啲被..聽你凍醒先得!
BB >''< : 喵 o0O....
Vivian ^^ : 嘻嘻!起身嗱?! BB...
Vivian ^^ : 係囉,'FING'下嗰頭做下早操,你就唔洗咁肥啦!
Vivian >< : 吓! 你竟然轉番入去訓過.....激死人啦!!!
近日又聽到一啲不負責任嘅主人唔要佢哋啲貓貓,真係心酸....
就想起有一次,有個同事叫我收留佢隻貓。開頭佢見朋友隻貓幾得意,而個朋友又要移民,於是就話養左佢,點知隻貓好cool,果個同事唔敢同佢玩,平日又要照顧佢,好煩!這時同事就唔想無止境咁養落去,於是想叫番佢個朋友要,但佢個朋友settle down 之後又唔想要隻貓...所以佢走黎問我可唔可以收養佢....唉!我當然無要到啦..我好心不就等於縱容佢嘅不負責任...之後當我問佢點打算嘅時候,佢話佢媽媽搵到一個地方........(你地估下係邊度)...........竟然係佢媽媽返工附近啲街道,嗰度有好多流浪貓,又有人比嘢啲流浪貓食,於是佢覺得冇問題........唉!隻貓由細到大都有人養,叫佢點同人爭食先得架...最後隻貓變成點我都唔敢問,怕知道後會唔開心....
每次啲人唔要佢哋啲貓貓時,都會問下我要唔要佢哋,可能佢哋知我有2隻貓貓,可以幫下佢哋(減少罪惡感),當然我係唔會幫佢哋嫁,因為我覺得要做一個有責任感嘅主人,一養就要養佢哋一世,唔可以養養下唔要佢哋,佢哋都有生命,唔係玩具,就算佢哋有幾煩(雖然有時真係好煩,由其係BB),都唔可以唔要佢哋,好似你屋企嘅一份子咁,無論佢哋有病又好(當然要以佢哋辛唔辛苦嚟決定),煩又好,都唔可以唔要或了結佢哋嫁。
愛佢哋,呢個係我對佢哋啲承諾,對佢哋嘅堅持....
聖誕節將近,希望唔會有人未諗清楚就將啲貓貓狗狗當作聖誕節禮物送比人就好啦...
下次再續.....
我唸係香港除左巴士阿叔有壓力之外，個個人都有一定程度嘅壓力....近日我地屋企都有位成員好大壓力....
話說由於我爸爸已經退休，於是佢嘅新工作就係維持屋企貓貓嘅秩序，因為BB係一隻天生鍾意撩交打同四圍倒亂嘅貓，由佢2個月大我帶佢返屋企嘅時候，當時貓仔細細佢已經係咁，何況而家....雖然仔仔大過BB半年，但仔仔唔多鍾意食嘢，肥BB仲要食埋仔仔唔食嗰啲，所以BB體重有10.5磅，而仔仔得7.5磅，真係肥上加肥啦.....
由於BB比較大隻所以成日會用貓貓鏟泥車將仔仔頂到成隻反轉，仲會用牙咬仔仔><"..... 但近日我爸爸身體唔好時常出入醫院，無人係屋企，我哋就發現仔仔無啦啦做咗"白眉貓王"，仔仔隻眼同耳仔附近都無咗啲毛, 因為仔仔嘅膚色係白色，所以無咗眉毛就好似變 咗白眉.....(哈哈，有啲似軒軒個麥田圈)，仔仔一向都係張宅之寶，所以佢無啦啦做咗"白眉貓王"，係一件不得了嘅大事。我哋都好緊張，開頭以為佢有病，睇完醫生，醫生又話唔似有病，於是一家人開始懷疑佢係比BB咬到甩毛，於是予頭直指BB，作為佢媽媽唔想承認但都有咁唸過(對唔住呀BB > <)..........最後哥哥打電話比佢一個做獸醫嘅朋友，答案竟然係話仔仔可能有壓力，好似人咁有壓力就會甩毛. 今鋪真係 人有壓力，貓都有壓力 ^^ 而家屋企一無人我哋就會放仔仔入哥哥間房到....仔仔啲毛真係開始生返出嚟喎! 
每次行過 7-11, Vivian 都會話 : 啲大頭貓貓相好可愛啊!........ 跟著佢就會好失落咁同Kenneth講佢試左好多次但影極都影唔到大頭貓貓的效果...........為左實現Vivian如此小小但重要的心願, Kenneth 決定買下那上千元的魚眼鏡, 並嘗試拍出 '可愛大頭B' ........^^'
Don't you have a dream!? Most of the time, dream is difficult to be realized, but if you have the chance to make it true, then... what will be your Choice?
Everytime bypass the 7-11 convenience store, Vivian will be attracted by the lovely photo of the "Big Head Cat" which like "The Dogs". I know she admire for its cute, and she really want to take the one similar on her lovely 'BB' for a long time since its birth. However she don't know photographing.
I think i am able to let it ture, and i have spent around a 1000 dollars for a Fisheye wide angle lens, and have a try! ........ even the output is not good enough, but let the dream be the fact is really a touch moment in our live.
By Kenneth ^^
P.S. First try blogging in English....^^
"揸"鏟泥車的B仔!!!
BB Profile
名字 : BB,B(B)仔,傻B(B),肥B(B),聾貓(因為佢真係唔係幾聽到嘢嫁)
年齡 : 2歲
性別 : 仔仔
體重 : 10.5磅
品種 : 短毛蘇格蘭摺耳貓(Scottish Fold)
顏色 : 白色, 粉紅手手同鼻鼻
嗜好 :
食物 : 貓零食，貓乾糧，貓濕糧...乜都食但唔食雞。
瞓覺: bb可以一日瞓到黑，因為佢唔多聽到嘢，所以佢瞓得好"林"架...最鍾意瞓覺嘅地方係穎穎(即係vivian嗰妹妹)張床，打橫瞓係路中心，書枱...不過一定要係硬嘅地方。如果天氣凍，佢仲會自己捐入被裡面架。
娛樂 : 任何紙袋，膠袋，紙皮箱，貓尾玩具，貓玩具--'煤炭屎'鬼(不過只係vivian同佢玩先玩),扭摸摸(基本上屋企所有人佢都會扭嫁)
專長 : 大叫(可能佢唔知道自己叫得幾大聲啦)，探險(有幾高就去幾高,越係唔比佢去就越要去)，叫人(佢會同你打招呼架)，搵食(當佢要食嘢,佢會企係佢個盆旁邊"meo...o"，或者當開貓罐頭嘅時候就會自己嚟食架啦)。
性格 : 活潑同好奇心好重(簡單啲嚟講就係八卦)，又貪玩又貪食。
絶招 :
貓貓鏟泥車 : 用佢個頭頂向'仔仔'個肚，因為'仔仔'比較輕，所以仔仔會比BB頂到成隻反轉咗。
飛擒大咬 : 唔知點解bb啲牙特別利，比佢咬到，即會見血。
白痴行為:
唔理阿水瓹左先: 當佢肚餓嘅時候，而你又出左街遲左番屋企嘅話，此時任何人(包括陌生人在內 >< )開門入屋嘅時候只要一經過擺貓糧的地方，佢就會第一時間埋你度用最親密嘅態度瓹你，跟住當佢一抬頭發現唔識你的話,佢會立即四腳離地彈開成尺遠跟手高速走開...呢個時候KENNETH心諗:怕人又要瓹我><"
<- 小時候的BB, Vivian 單手都抱得起^^
登...登...登...Down! 有請 仔仔!!!
仔仔 Profile
名字 : 仔仔/亞仔/"袋袋"(爸爸鍾意咁叫 )
年齡 : 2歲半
性別 : 仔仔
體重 : 7.5磅
品種 : 短毛蘇格蘭摺耳貓 (Scottish Fold)
顏色 : 灰色，手仔同腳仔都係白色，心口有白色'口水堅'，肚腩有百寶袋(M 字毛)。
嗜好 :
食物 : 麵包，蛋糕(對仔仔嚟講都係包包)，貓零食只食硬嘅，weight control 貓乾糧，濕糧:(金裝)白飯魚，吞拿魚，懷石(各味)...但唔食雞(由於仔仔對食嘢咁講究，所以身材好fit架)
瞓覺 : 仔仔可以一日瞓到黑，不過多數都係瞓係道，唔係真係瞓著嫁，最鍾意嘅地方係有Vivian張床，佢自己嘅布籃，貓傢俬2樓，梳化...
娛樂 : 任何紙袋，膠袋，紙皮箱，貓尾玩具，棉花棒，扭摸摸(只會扭豪豪:即係vivian嗰哥哥(Vivian:媽咪話仔仔只係知哥哥叫豪豪喎,都唔知係唔係??)....同vivian媽咪,近排vivian都有份)。
專長 : 唔叫，唔跳，一叫佢就眼仔碌碌望住你。
"咋瞓"，叫"go go go" 就入豪豪間房。
放佢出走廊會跑返屋企。
偷襲BB......如果偷襲期間比你發現，佢會成隻硬晒...然後慢慢放低隻手跟著好快甘走佬。
見到小昆蟲,好"bear"實佢哋,仲會發出"ell"咁聲,話比人知有昆蟲係屋企到
性格 : 較文靜,好乖(因為唔係好鍾意跳)，介心重(佢一見唔識嘅人入屋就會哩埋，我哋屋企人一道以為佢有思覺失調)。
絶招 :
貓咪獅吼 : 就係"E"起棚牙，由喉嚨發出"fee~~~~"嘅聲音,用嚟表示佢極度唔想你煩佢 。
貓咪鋼槌 : 哈哈有睇過"仙太朗"都會知道啲一招，其實係仔仔會企起身，用佢嘅手(前肢)打人，我媽咪同妹妹都有試過啲一招打中面，佢哋都話有啲痛。
走佬 : 走去有人同保護佢嘅地方或者係人同肥BB都入唔到去嘅地方，例如貓傢俬2樓。
拍照當日: -_- "
Kenneth ^^ : 幫你影張相啦....
>''< ! :嘩!..想同我相...唔制!我搖.....
Kenneth -.- : 乖啦....一張就得家啦....
>''< :嘻嘻! 搖到你影我唔到... 
Kenneth ( > <") : Vivian! 幫我夾實佢!
Vivian ( ' ' ) ! : Yes Sir!!!
>''< (O 0 o....!) : 喵!!.....郁唔到!!! 
你好!! 我係BB >^ ^<
我係仔仔 > ' ' <
我係Vivian, 屋企有兩隻貓,一隻叫仔仔,一隻叫BB,佢哋係同父母但唔同胎嘅兄弟,好得意嫁!! 佢地點嚟?...話說我有個練水嘅教練養左2隻波斯貓同5隻摺耳貓,大約係3年前教練隻摺耳貓媽媽生咗3隻貓仔,其中有啲係cream色嘅,好靚架,但係媽咪一直都唔比我哋養動物,所以就放棄咗...但就埋下左我要養貓嘅伏線.
就甘過左3個月,教練隻摺耳貓媽媽又生咗3隻貓仔,其中一隻係同貓爸爸一樣係灰色,據教練講貓媽媽生咗咁多胎,呢次仲係第一次有灰色嘅貓仔出世,哥哥見到之後真係好鍾意,因為灰色嘅貓仔好似一舊塵咁,好cute架,哥哥唸住我地幾兄妹個個已經有毛有翼(我地自己係咁唸:p),於事就先斬後奏,攞咗返嚟先算.....佢就係日後嘅仔仔啦!
仔仔是一隻文靜,好乖我見到仔仔咁聽話又唔倒蛋,又會同佢主人(當然係我哥哥啦)有親密接觸,例如叫你摸佢呀, 係你腳邊瓹來瓹去呀...攪到我都好想養一隻,於是我就同教練講我都想養一隻呀.........
等左6個月.........終於,貓媽媽同貓家姐都一齊大左肚啦! 貓家姐個肚係被貓爸爸經手.....因為天理不容所以隻隻一出世就死晒啦(其實可能係父母啲DNA太近所以佢先會死). 貓媽媽今次生得2胎,一隻係教練返屋企途中已經出左世,而貓媽媽仲生近另一隻白色嘅,咁教練就走去幫手啦,點知回頭一望之前剛剛出左世嘅BB已經死咗><,於是白色嗰隻貓就可以食到2隻貓嘅奶啦...佢就係日後嘅肥BB啦!
