盛名之下無虛士 --- '華麗園'椰汁白糖年糕
講到新年我就絕不含糊，一定要有年'高'(年糕)同年花，先至似樣，一如以往我一定會去銅鑼灣'華麗園'買一個超正的椰汁白糖年糕回家與家人一同分享，雖然近年'華麗園'，還有甚麼金薄，玫瑰年糕，不過我還是對椰汁白糖年糕情有獨鍾，我對食有一份執着，食物冇論功夫同用料都一定要'足料'，要求實而不華，'華麗園'白糖年糕正正就有這份傳統.
雖然厚度只有一寸多啲，但攞上手你一定驚覺佢嗰種不一般的重量以及比木頭還硬實的質感，代表住裡面沒有丁點多餘嘅水份，再加上一開盒一陣濃厚的椰子香撲面而來，這一切都代表住裡注入了非常多的椰汁,及對食物的一份堅持.
一方面講求健康，一方面喜歡食出原味的我特別喜歡蒸年糕，可是一般酒家的年糕因為做好之後，沒有足夠的時間去把多餘的水份揮發，所以蒸起來一定會'水水'的，溶化得像糖槳一樣，相對之下,跟足傳統要求的'華麗園'白糖年糕，蒸了之後依然有'型'，食起來厚實嘅質感再加上，每一下咬落去，椰香充滿口腔，令人有種好滿足的感覺，更讓人立時想'衣食無憂'四個字.....中國人的新年要的就是這種感覺.
來到年三十，係到vivian同我向各位拜個早年，祝各位步步高昇心想事成，恭喜恭喜!
vivian就送咗自己做嘅朱古力cookies比kenneth
而且我哋就返傳統去咗北京酒樓食kenneth好鍾意食嘅片皮鴨,賽螃蟹,宮保蝦仁,瑤柱豆苗同高力豆沙添.....
