如何在PSP上玩由多過一隻CD組成的PS (PSX) GAME

首先希望家中發生大事的Ronald能夠及早平復同埋生活安好先,既然佢有興趣玩番 PSP 又成功升級到3.03OE+A',所以特別在此提供一個網址 那裡有一個很好的教程,一定能令你輕易地將PS (PSX) 的原裝CD或其ISO或BIN或IMG FILE 轉換到可以在PSP上行的EBOOT.PBP

至於功具 PSX2PSP v 0.7.1 可在這裡下載

不過就這樣轉載別人內容,實在對不起本BLOG的忠實讀者啦,所以我將教大家點樣去玩由多過一隻CD組成的PS (PSX) GAME 啦!

以下是我玩FF7轉第二隻碟時所用既方法..

STEP:
1) 當你用PSX2PSP轉FF7 DISC 2既 IMG/ISO/BIN file 既時候, 要set個id code變都同DISC 1既一樣. 至於更改及查看DISC 1嘅eboot.pbp的id code,都可以用psx2psp v 0.7/0.6 的"GAME ID" 一欄看到.

2) 由於所有PSP的SAVE檔都是認呢個"game id",所以大家只要將之後轉既碟2，碟3同碟4個id全部都改成用一樣的"game id"就可以.

3) 然後當係PSP上面玩PS(PSX) GAME要換碟的時候,只要在離開DISK 1的pbp file前先SAVE一下,然後離開遊戲,再在PSP上進入STEP 1所做的DISK2 的 PBP FILE,進入後你可以於遊戲中選擇LOAD番STEP 3的那個SAVE檔,那麼就可以繼續玩啦!!!

Final Fantasy 7 On PSP Evidence

Final Fantasy VII-PSP FW 3.02 OE-B

Final Fantasy VII-PSP Detail

薑汁撞奶

前排vivian媽咪成日咳,vivian請佢去食屋企附近啲薑汁撞奶,好味就好味啦,不過要成HK$16,好貴....

咁啱"一粒鐘真人蘇"又教人整喎,咁媽咪就學下啦...

幾經嘗試,噖日終於成功啦....

問媽咪成功嘅秘訣,佢就話:自古成功在嘗試........(下省一百字('-_ -))

總括來講重點係用老薑嚟做就真........(嗱!嗱!嗱!連'阿蘇'都冇教嫁!)

薑汁撞奶:

材料:

1. 薑汁(要老薑)
2. 奶(維記高釢高低脂奶)
3. 糖

方法:

1. 預備1個容器以備撞奶時之用
2. 先將碗燉熱
3. 倒薑汁在碗內
4. 鮮奶煲熱加糖，將近滾時又未滾便要熄火(鮮奶一定不要滾起)
5. 將熱奶於距離容器一呎高左右沖倒落容器內,再從容器沖倒回煲內，互沖倒大約10-15次(重點^^)
6. 然後立即沖倒入碗，再用匙快手攪起碗底的薑汁一下,一定不能攪太多(重點^^)
7. 待約3分鐘即成固體,其間切勿移動碗(重點^^)
8. 食時從上吃起，不能攪動

嘩!士多啤梨有虫呀!!

近日市面發現有巨型士多啤梨出售,每粒HK$75........
(vivian: 食士多啤梨一定要大粒啦, 尋常嘅大細以滿足唔到我啦...)
咁vivian 就買咗一粒返去試下啦...
一返到屋企打開點知....嘩....有大虫呀!!



其實巨型士多啤梨屋係仔仔生日禮物嚟, 點知一返去,bb就要飲頭啖湯...
仔仔好鍾意間屋仔,成晚係入面唔出嚟....

P.S.
古代的中國人把所有動物都叫“蟲”，無論天上飛的，還是地上走的，爬的，或者是水中游的。魚叫水蟲，鳥叫羽蟲，龜叫介蟲。那些沒有羽毛、鱗片和甲殼等遮蓋東西的動物，則以裸蟲相稱。

高大健壯、性情勇猛、享有“百獸之王”之稱的老虎，古人習慣稱它為“大蟲”。

至於以上兩隻肯定係中華大”懶”虫!!!!

iPhone 強勢登陸, 不過我有一個希望........

http://www.apple.com/iphone/phone/

希望 iPhone可以貴啲,唔好cheap都啲學生哥又帶,阿叔又帶,串晒耳啲旺角死靚仔又帶,話自己好潮但又腹無墨水的年輕人又帶,不竟買得iPhone就係想同呢啲人有着一些分別吧!

魔渡眾生......黑暗 亞歷山大 進一步釋出 3.03OE-A' Firmware...

不久前我才將部PSP up上 3.02OE+B 的我，正在如痴如狂地享受着 '便利時代2' ， 'Thunder force V' 以及 ' FF7' 的我， 估不到短短幾日之後嘅今天，又要面對來自黑暗 (DARK ALEXANDER)的誘惑 ....... 今次係完成度更高的 3.03OE+A' for PSP， A 字頭上那一點是代表住 3.03OE+A 進化到 3.03OE+A2， 之後可能還有 3.03OE+A'' 呢!

不過興奮歸興奮，入魔也要一步步的， 3.02OE+B 需先升做 3.03OE+A 再升上3.03OE+A' ........行錯一步立即變磚 (BRICK)

升級3.03OE+A & 3.03OE+A'方法

===3.03 OE-A改動處===
- 由 Firmware 3.02 更新至 3.03
- 支援 PSX 遊戲壓縮 (ISO)
- 支援部分 3.02 OE 不支援的 PSX 遊戲 (部分修訂遊戲)
- 支援 document.dat (PSX 遊戲說明書)
- 修正 regarding free 的一個BUG， 現在應該可用了
- 修正一些普通的BUG
- 修正一些會引致 韓/中/台/星 PSP restore default settings 時會可能會變磚的 BUG 為避免這情況，region fake 為 disabled 時，會偽裝成 japan 因某些不明原因，韓版的偽裝已由 region fake 移除
- 加入 澳/紐/俄 到 region fake 中

2006大嶼山聖誕之旅 第四站 -- 天壇大佛

離開市集之前, 再來一張遠攝'大佛’。(這張相我真係幾滿意^^)
接著我地就上'天壇大佛', 要行成二百六十八級石階,講真感受好深,背負6,7磅重嘅攝影器材,我同vivian的腳都不自覺的震........講真唔野小。
當日的天氣實在太好,藍天白雲之下,再加上行上二百六十八級石階的辛勞,真係有種西遊記所寫的到西天取經的感覺。
如來坐有六尊仙女銅像,形態各有不同,而每位都手執不同的法寶,並向着佛陀敬奉,一片莊嚴平和。
這張相我希望透過廣鏡可以拍出迎佛西來的感覺。
雖然實在有些不敬.....不過我真係令我想起了我的朋友 IVAN 和 CHRIST........ >< 罪過罪過。
身處蓮座之下,上仰如來.......感覺真是有些沉重.....
講真替大佛拍照,由其是當拍攝他臉龐的時候,心裡不自覺地會想起自己的卑微。
蓮座下刻有法師的法號...... 不過我想這和'某某到此一遊'實在無甚分別....不竟禮佛之後記名實在有些'着相'了。
離開前,梯階處銅鼎上的銘文,讓我地終於知道是誰有此能耐去建造出如此巨大的戶外佛像呢....

下一站 -- 寶蓮禪寺