星期五, 11月 10, 2006

減肥 Day 3,4,5 -- 消除水腫小貼士

話咁快就過咗3日,情況都同day 2都差唔多,都仲有痾綠色便便,個nutrition coach 話呢啲係宿便嚟,要清咗佢哋先可以減到肥,但次數都無day 2 咁多,平均有1至2次到...

個coach每隔2日就打電話比我問吓我啲進度,佢叫我千奇唔好係屋企磅重,要我返去覆磅先好磅,明明佢個磅同我個磅係一様嫁喎,唔通佢係個磅度做咗手腳??

消除水腫小貼士
呢幾日睇咗本減肥小刪子,入面講到,如果水腫的話,只要飲多啲水就得,因為如果身體長期決水,你一飲水,身體就會自動儲水,留待日後用,咁就係水腫啦,但如果身體知道成日都有足夠嘅水,咁身體就唔會特別去儲水....咁自然就無水腫啦!

好緊張呀,聽日就要去覆磅,唔知有無瘦到呢?

星期三, 11月 08, 2006

明教護法 白眉貓王 by Vivian

我唸係香港除左巴士阿叔有壓力之外,個個人都有一定程度嘅壓力....近日我地屋企都有位成員好大壓力....

話說由於我爸爸已經退休,於是佢嘅新工作就係維持屋企貓貓嘅秩序,因為BB係一隻天生鍾意撩交打同四圍倒亂嘅貓,由佢2個月大我帶佢返屋企嘅時候,當時貓仔細細佢已經係咁,何況而家....雖然仔仔大過BB半年,但仔仔唔多鍾意食嘢,肥BB仲要食埋仔仔唔食嗰啲,所以BB體重有10.5磅,而仔仔得7.5磅,真係肥上加肥啦.....

由於BB比較大隻所以成日會用貓貓鏟泥車將仔仔頂到成隻反轉,仲會用牙咬仔仔><"..... 但近日我爸爸身體唔好時常出入醫院,無人係屋企,我哋就發現仔仔無啦啦做咗"白眉貓王",仔仔隻眼同耳仔附近都無咗啲毛, 因為仔仔嘅膚色係白色,所以無咗眉毛就好似變 咗白眉.....(哈哈,有啲似軒軒個麥田圈),仔仔一向都係張宅之寶,所以佢無啦啦做咗"白眉貓王",係一件不得了嘅大事。我哋都好緊張,開頭以為佢有病,睇完醫生,醫生又話唔似有病,於是一家人開始懷疑佢係比BB咬到甩毛,於是予頭直指BB,作為佢媽媽唔想承認但都有咁唸過(對唔住呀BB > <)..........最後哥哥打電話比佢一個做獸醫嘅朋友,答案竟然係話仔仔可能有壓力,好似人咁有壓力就會甩毛. 今鋪真係 人有壓力,貓都有壓力 ^^ 而家屋企一無人我哋就會放仔仔入哥哥間房到....仔仔啲毛真係開始生返出嚟喎!

7/11/2006 減肥 Day 2

由於噖日啲shake陣雲喱拿味太濃,所以今日我用多咗啲奶去開,果然好好多...

因為早咗食早餐,所以大約11:30am就餓起來,飲咗檸蜜頂肚就算...唔知係唔係空肚飲咗檸蜜(內含蘆薈汁)加速咗腸嘅蠕動...今日痾咗4次...好誇張.....不過上過磅又無輕過喎.....不過我個nutrition Coach 一早同我講咗頭2星期都唔會點瘦,因為呢2星期係用嚟適應啲product嘅.......

希望快啲見效啦 !!

星期二, 11月 07, 2006

Vivian 的貓貓 之 五 媽媽懷裡的BB

攝於2006年10月28日

6/11/2006 減肥 Day 1

要揾幫手減肥當然要付出多少金錢啦,我一共買咗雲喱拿味shake粉,溶脂片,檸檬味草本茶,蘆薈汁,一共4件product,total HK$9XX. 我相信仲要買多2罐shake粉先可以完到今個月啲療程......

今日第一日好多嘢都唔係好習慣,例如一早起身梳洗完要即刻食溶脂片,15分鐘之後,又要開shake去代替早餐,仲要mix草本茶,蘆薈汁加蜜糖(以下簡稱檸蜜)返公司飲,仲要飲好多好多水,每餐5分鐘之前又要食溶脂片.......

一早起身要用250ml嘅水去食溶脂片,仲要飲埋shake真係幾辛苦,仲要唔係好受到咁大陣雲喱拿味,呢陣味久久不散.....好想嘔呀><" 最後要飲咗一早預備嘅檸蜜先可以無咗陣味咋.....

最難就係預時間食片,早午餐都好啲,晚餐真係唔知幾時食先好.....

聽日應該會好啲^^

星期一, 11月 06, 2006

5/11/2006 減肥開始

近年來,唔知點解香港啲人鍾意著三點式去游水,身為一隻過氣水怪,游水對我嚟講真係一啲難度都無,但最難係要著住件三點式去游水,著一件頭去好似隻怪物咁,所以近年都無乜去游水.......

最唔可以接受就係肥過自己男朋友(男朋友腰圍得28吋咋,而自己嘅腰圍就仲大過同自己嘅年齡)加上Kenneth好希望有一個24吋腰啲女朋友...哈哈咁大個女有意識以來都未試過,自己都好想,所以決定減肥....

其實都試過好多減肥方法,都work架,但係個肚脯減來減去都減唔到,都唔明點解,無理由廿幾歲又未生過會咁肥架嗎,節食又試過,做運動又試過,都係唔得......於是最後都係要揾幫手.....

最係由妹妹介紹去咗間叫做--康XX(由於無收錢,所以唔幫人賣廣告^^),個 Nutrition Coach 同我check過我原來係水腫形肥胖, 我有164cm高(唔知幾時少咗1cm), 中骨架, 所以目標係120磅左右唔可以太輕(其實宜家都係減幾磅咋喎><),好消息係水腫形肥胖,減得最快,但係我嘅目標係要同vivian (周慧敏)一様重(佢有110磅),就未必得囉......,而家就set咗係118磅,但係佢話吋數就一定可以減到喎.....

不過為咗要係30歲之前要著到三點式,一定要努力架......(因為時間無多><)

星期日, 11月 05, 2006

Difference of life between countryside and city

After knowing a new friend who live in Lamma Island, and visited that place for several times. I start to have a habit to think of the difference between the life in the countryside and the city.
And I got it at sunday morning!

In Lamma you may be waked up by the dog's bark or the morning cock crew........Then how about in the city....... it will be the noice from the helicopter ><" outside your window................. %*&#$ SHUT DOWN YOUR ENGINE I NEED SLEEP!!!!!