Vivian ^^ : 咦?! BB 仲訓緊喎...嘻嘻!個頭好似個义燒包咁...影張相先...咳喳(相機聲)..
BB >''< : 喵 o0O....
Vivian ^^ : BB! 新年快樂呀!
BB >''< (心諗): 咦?! 仲好早喎......訓多陣先...
Vivian ^^ : 2007年到左啦...BB起身同大家打招呼啦! .....仲唔起身喎!....等我扯開你啲被..聽你凍醒先得!
BB >''< : 喵 o0O....
Vivian ^^ : 嘻嘻!起身嗱?! BB...
Vivian ^^ : 係囉,'FING'下嗰頭做下早操,你就唔洗咁肥啦!
Vivian >< : 吓! 你竟然轉番入去訓過.....激死人啦!!!
第一個一齊過聖誕節，哈哈^^當人人係聖誕節都諗住要去church嘅時候，Kenneth竟然話要去睇大佛同食齋(Kenneth: Yeah! 包'滘'頸)，身為活動組組長嘅Vivian，安排左一個好緊密嘅香港一日遊比 Kenneth啦 ^^
24/12/2006 2006聖誕之旅 第一站 -- 昂坪360
聖誕節加上又係星期日，所以Vivian一早就係中旅社買咗2張單程車票(一共HK$110)上完大佛就落大澳.
24號上午10:30就去到東涌，(Kenneth: 嘩!好多人呀)，由於人實在太多,因此開始咗人流管制,上去'昂平360'的自動扶手電梯的頭同尾都已放了欄杆,期間只讓一早買車票的人通過,至於未買票的人需要等指示分批上去售票處,於是發生了一段插曲.
本來一切安排也很好,不過由於部份愛國(因為無人敢認唔愛國,所以用香港標準,疑點歸於被告,所以佢地被假定愛國)但唔愛秩序(事實證明)嘅祖國遊客(真係好希望有専程落黎香港呃户籍又唔比錢嘅內地孕婦)以及部份唔守規距嘅疑似港人(一羣行為同之前班祖國遊客一樣的香港人),強行走上電梯,結果先到達電梯頂的人被欄杆阻住,後面的人又不斷湧上,一場混亂之下結果就有人大喊:'踩死人啦!'....結果當然梗係唔會比佢地出事啦,如果唔係就真係現代盧溝橋事變(不過角色由日本人變成疑似港人+祖國遊客),到時又唔知有幾多無辜香港市民受到責難或被人抺黑啦!
上到車站，又係要排隊(遊人實在太多)，指示又唔清晰，得一條隊，鬼知邊啲人唔洗排咩><,忽然後面有位阿叔同佢啲屋企人講:'我哋買咗票唔洗排隊架'....就咁經第二條路走咗...見到咁樣，(係時間表現下值民時代學到嘅秩序精神啦)當我地見到職員行過時,就禮貌地問下我地應該點排隊,就係咁佢帶咗我哋去到換票嘅地方。
這次有個職員不停叫住:'換票去15櫃位，唔洗排隊!'...同時間聰明嘅Vivian就叫Kenneth先去排上吊車的隊，待換了票後就上前搵番Kenneth.
其間又見到啲疑似港人帶同佢地2個6,7歲仔女一齊越欄霸尖,見到這對父母嘅身教,我同時也睇到香港嘅將來,我地絕對唔會輸比大陸任何一個城市嘅居民,李國章...攪教育你係得嘅!
上到車，不過係同其他人一齊坐，重要三唔識七,一車坐成10個人，好迫呀>< ,不過事前冇諗過原路風景甘靚，重見到吊車下有人行山添...
下一站 -- 昂坪吊車
哈哈,合皮扭耳(Happy New Year)呀!!
因為呢幾日唔係好舒服,所以出去玩嘅時候時常發"猛增",對唔往呀Kenneth!!不過好彩,kenneth脾氣好,我哋先可以有個Merry Christmas & Happy New Year 咋 ^^!
Kenneth 送咗一對啡色嘅葉型耳環,一條純銀手鍊,同半部銀色 Panasonic FX50 (哈哈....係半部呀...由於唔想Kenneth用太多錢所以叫佢出咗一半錢),樣樣我都好鐘意呀,多謝Kenneth!!
由其係部DC...其實想買咗好耐,但又覺得貴,唔捨得買...哈哈終於有屬於自己嘅DC,而且仲係有28wide同防手震...咁就可以影多啲仔仔同BB嘅相同我同Kenneth去食嘢嘅相放係個Blog到啦....
今年這個被譽為過去十年香港最有氣氛的聖誕節終於也過去了,相信大家應該參與各種不同的慶祝節目,或者到過不同的地方吃喝玩樂,連我這個大悶人也倍 VIVIAN 玩了兩日又食左個名符其實的'聖誕大餐',詳情就請大家留意'VIVIAN食食食'的報導啦^^...
不過我深信大家在過去兩天都一定有做過同樣的一件事,那就是拍照了,而且相信大多數朋友也是拍數碼相呢!既然有甘多人拍數碼相,當然有人會遇到CF或SD CARD失靈(READ / WRITE ERROR),FILE LOSE的遭遇啦! 這可大件事啦，有可能攪到情侶鬧交，朋友口角。
不過大家睇得我個BLOG,當然有錢入你袋啦,而家就介紹 SoftPerfect File Recovery呢隻又係免費嘅CF/SD/XD/MS CARD 還原軟件比大家啦!
就算係你因大意按了DELETE制而刪除了嘅FILE,定還是部相機傻左而攪到你唔見左嘅FILE,佢都有可能幫你修復番,就算你唔影相,呢隻野都好有用,因為佢連USB手指嘅FILE都救得番,厲害!
大家記住BOOKMARK我個BLOG,好介紹陸續有來 ^^
聖誕節又到啦,今年係我同vivian第一年過嘅聖誕節,當然非常開心,而且我地已經互送禮物^^啦!
至於我送左咩野比佢就聽佢同你地講啦,而我收到嘅就係一套非常'貴''重'嘅 MANFROTTO 190PROB 三腳架 同 MANFROTTO 460MG 雲台, 唔止喎重要有埋專業 AIDER 手柄 & 腳圈 ....WA...我都唔知'恨'左幾耐,又想要,又唔捨得,反複左唔知幾多個夜晚(幾多年),終於竟然由如此善解人意嘅女友送上....真係絕頂開心,最緊要係兩個老婆(佢&相機)都甘相親相愛^^...正!...明天我地會去玩昂平360,睇大佛,去大澳,再又睇戲.....遲啲再show 啲相比大家睇啦!
不過先祝各位 聖誕節快樂! Merry X'MAS^^
話說上星期五(15/12/2006)，vivian嘅妹妹去睇完林海峰是但噏踎低噴飯，妹妹一返到屋企就由佢個袋攞咗個白色膠飯盒出嚟，咁vivian同佢媽媽就攞嚟睇下啦....原來係"林海峰是但噏踎低噴飯"嘅飯盒記念品.呢件記念品用硬膠做，個樣就同平時裝义燒飯嗰隻百寶膠飯盒無分別，盒上印有"是但o翕足否低噴飯"字樣....
我相信大家都知百寶膠飯盒除左cheap之外，根本一啲用都冇，漏汁漏氣，又上大下窄，'牙'位晒'訂'，又唔知入唔入得微波爐，又唔知會唔會釋出有毒致癌物質，重之一啲用都冇，大家都唔會reuse佢哋.....但係林海峰竟然貫徹佢嗰種'是但噏'吾負責任嘅廣播精神，竟然製造大量無用嘅"飯盒"黎攪gimmick...大佬呀!你日日係電台寸嗰黨駡嗰派，ok!你有言論自由新聞自由...一大埋'豉油'，做你嘅無牌皇帝我管你不着，重要驚你反咬一淡，衰過遊街.....但係都唔好有持無恐咁做啲注定冇利用價值嘅膠盒出黎比人做垃圾呀!你完全唔珍惜你個女有份住嘅香港，你唔負責咁破壞你個女主緊嘅地方，一句到未唔負責任噏野，重要唔負責任咁做破壞社會嘅事!
呢單野我保證我寫左出來都冇記者鋤你，頂晒'籠'當八卦新聞，到時你可以整起個嬉皮笑臉咁樣話"個飯盒邊係垃圾，佢可以裝住幻想帶你進入迪士妮參加奇妙之旅"
其實，飯盒都有好多種類，其中好多都可以用完再用，既然你哋以飯盒作為記念品，都係想做promotion啫....咁不如做一個真係可以用嚟帶飯返公司食嘅仲好啦，我唔介意每用一次就幫你哋promote一次.....或者，其他種類嘅飯盒無咁配合你哋嘅主題，咁樣不如將啲錢捐咗出嚟好過啦，又有得做promote，又環保，咁唔係仲好咩.....Talkshow派的，當然主要用途是當紀念品，裝飾性是次要，實際用途是零考慮，這方面我都冇野講，不過都唔好整個大飯盒呀，細到鎖匙扣咁大都得掛........林海峰你大人黎嫁用得個腦諗無謂野有你自由，不過都唔該抽小小時間諗下點樣令下一代可以有個健康環境嘅香港啦.........
太過份啦，當人人都講環保，又為藍天打氣嘅時候，作為資深傳媒工作者，竟然身體力行大唱反調，大量製造污染環境嘅垃圾....雖然明知得你個台鍾意周圍踩人，冇人夠guts會踩番你，但都請你睇在香港重有好多同你個女一樣大嘅小朋友會聽你講野睇你台戲，有啲良心啦!請停止你破壞環境嘅行為啦.....你大人泥嫁啦，做番個負責任嘅老豆啦.....請從有良心的一天出發啦!
如果你是宮崎峻動畫的影迷，或多或小你應該沉醉過在它那宏大的幻想世界．．．今天The thing come true....飛吧，風之谷裡面的海鷗号．．．飛吧!八谷和彥先生!.......不過世界上還有清新的空氣可讓你遨翔嗎？ 請注意環保，請大家為藍天打氣！！！
You can click below picture to see the detail:
以下所有相片都可click開來讓你睇清楚啲!
未入正題前先讓我發一發'勞蘇'，大家都知道我有支廣角鏡想賣嫁啦，當YAHOO拍賣結束，我就收到買家約我出來交收.....點知原來係個學生，原來佢實際上冇甘多錢，又好想要，於是問我可否幫佢做分期，唉...叫我點做得到，又唔知佢信唔信得過，而且點逐次收佢錢呀......結果攪到宜家要重拍，聖誕就到啦，我減埋價希望有興趣的人快些'BID'下它，聽我有錢買禮物比人啦.....><.... 有興趣請幫下手.
言歸正傳，話說當街上還沒有數千數萬元的鏡頭時(也沒有那麼多玩鏡玩機但唔識映相的人時)，黑白照相機已經出現，當時還沒有精確的光學技術，快門也只是一個只會開關的洞，要隱藏畫面中不屬於主題的背景或周邊事物，靠的不是甚麼深淺景深，靠的是最原始的光暗對比，讓觀賞者只看到主角。這就稱為'藏黑'。
要理解這種技術其實非常簡單，而大家也常常見到，那就是在演唱會中把所有燈關了只向歌者投下強力射燈一樣。有人會問那豈不是只有影樓才做到......攝影同講野一樣也要用腦，唔係拿起支鏡周圍拍就得。就以左面的澳門賽車展覽館的相為例，你可以見到白色賽車後有一輛黃色的賽車及其周圍的陳設。如常地拍只會得到一張普通的風景照，那要點拍，才可以將那輛黃色的車子從所有的配角中，突顯出來及營造猶如賽車場的感覺呢!方法就是'藏黑'。
首先要做的就是找出投射在目標物上最強的一點光線，再利用點測光，那麼你大概可以找到那個'黑'了，然後不要鬆開暴光鎖定那個按鈕，再移動下你個人，把'黑'移到你不想要的事物上，然後再用心去構圖並營造出相要帶出的感覺啦!
同樣的攝影技巧也可以用在產品攝影上，一啲識小小的拍友會教朋友利用偏光鏡去拍窗櫥裡面的展品，正如之前我講攝影嘅最終目標應該係不滯於物(如果唔係就只有有錢人先影到相)....冇偏光鏡一樣可以拍得靚。就如左面那個放滿'高達'的窗櫥，如果我要拍好最左手面那架飛機，首先要避開玻璃窗的反光，同時想辦法令周圍的雜物及後面鏡中的倒影變得唔起眼......甘點做呢?
我就借助了左面的一盞燈先做點測光，鎖定暴光後，再找想要的角度去拍攝.得左^^
其實'藏黑'一樣可以用於大自然寫生，就以這幅蓮花為例，影的時候除了要找出有靚造型的蓮花外，高手小小，你應該揾埋場中光暗反差最大的的一朵蓮花去拍，用黃易係大唐雙龍傳裡面的說法就是找出那循去的一，從這方面入手，拍照也許可以係一種修襌的方法吧!
待續.....
P.S. 有啲人可能以為上面講嘅只係點樣用'點測光'，其實這只是手法，Mind Set係要係鏡頭中拍出一個主客有高contrast嘅相，冇'點測光'一様可以透過調教快門做到，又或用35mm傻瓜機尋寳甘係場中揾最大contrast的一個'景'(我常日都甘做,好有趣又可以磨練觸角^^).
5、開創新天地
在這讓我先說一件舊事，好耐之前，我係一間相機鋪子裡，聽到一羣二十幾歲的年輕人，喧喧嚷嚷的在買當時還是天價的5D，口裡數着那支鏡點樣一流，那支副廠廣角鏡點差，拍的相都是變形的. 這時像是他女友的人，正在把玩着手中的大頭狗公仔，口裡嚷着要為愛犬映同樣可愛照. 這時年青男孩的答復是"那些相是電腦造的，點映呀，唔識野...."
故事講到這裡，我就先教大家影大頭狗。DC的廣角鏡一般的標準是28mm(外加鏡可以去到24mm)，但這些鏡頭並不完美。(註:魚眼鏡並不屬於廣角鏡，其成象是圓形的，是一種特效鏡)他們的最廣角端的成象都會把一個四方形的四條邊拍成彎曲的，成了一個肥肥地的'正方形'。要糾正的話，只需將鏡頭zoom前小小，28變29-30mm，24變26-27mm，我地就會拍到一個直線組成正常的正方形。 不過要拍大頭狗卻是用盡這個可能被你視為不完美的廣角鏡的最廣角端，向你的寵物，近距離的拍下去，如上圖，第一幅是35mm，第二幅是28mm拍的.廣角鏡下的貓貓，臉型變得肥肥的。.jpg)
如果把距離拉遠小小拍一隻狗仔，就會得下面那隻狗仔啦。如果寵物的(或人的)臉太尖或起角，這種拍法可以不經意的為你的主角修飾一下。
承上篇主題"創造"，當時我地造出了一個主角。今天我地再大膽些，嘗試創造一個新天地，一個雲海鋪天蓋地的世界。
技巧和上面並沒甚麼不同，只不過在構圖時我地會盡量調教陸地係相中的位置，因為我地要讓陸地彎彎的凹了下去。
其實這種構圖好多時用係廣告上，本來一張'海天一色'風景相好難找到一啲背景，從而構成直線去話比觀賞者聽這幅相的軸心，但彎彎地鈎起的陸地，形成一個圓，讓觀賞的目光可以停留和凝視，畫面也不至太平坦呆直。
透過這類廣角鏡可以提高相的張力同調整畫面的顏色，就如左面的圖.只要你將花放在畫面的中心，花會因不完美的廣角而變形，如果花是正方形，花就好似吹脹了的氣球，畫面會因而有了張力，顏色也會因為花大左而豐富左。
另外彎曲了的直線也可以為相片增加一種可愛，好玩的氣氛。
就如下圖，從椅子的邊和椅上的影，我地可以見到線被彎曲了.我們可以想像到女孩子的臉也會因而脹了些，好自然觀感會變得更開心，臉上被誇張了的光位也增加了相片陽光的感覺。
世上沒有最頂級的東西,肓目追求只會讓你孤陋寡聞，讓你小了不同的可能性，因材(器材)施教(調教自己的想法)，往往可以學到更多.用有限(資源)發掘無限(可能)，見多啲不等級的事和物，先至可以豐富你攝影嘅技巧同工具，攝影嘅最終目標應該係不滯於物吧^^。
後記:
來到今天已經係最後一篇，不竟為人為己，終於也將我數個寒暑的所學，用了好幾個夜晚整理了一個大慨，並予以分享。將來有時間我會再在這裡寫有關攝影的文章，不竟生活不應單調，我同Vivian喜歡食，又喜歡玩，基於工作我又會接觸到好多HI-TECH嘅IT野，又會有些獨家社會秘聞.....樣樣精彩，範範都寫，最重要係讓讀者有得着係呢個BLOG嘅忠旨，希望在以後嘅日子裡，你地會繼續睇我地個BLOG....如果問我現在重有甚麼希望，應該係一次壯觀的留言列出現在我的BLOG中為這個專題畫上一個美好的記錄吧!
賣多次廣告，我支鏡頭星期五中午就結束競投嫁啦，有興趣嘅記得BID啦!多謝!!!
由衷感謝你們讓我感動, 多謝!!!
一個鏡頭讓我體會世界,一羣讀者讓我相信自己,一個星期你們讓我完成了一個自豪的部落格,謝謝你們讓我2006年完成了一件自豪的事!謝謝!!!
5、創造主體
大家可能已經哇!一聲的叫了出來，放心這裡依然係講廣角攝影，唔係色情網站^^'。今次講嘅係創造，甘我地要創造啲咩呢?當然係為相片創造一個上鏡的主角啦!
以左面35mm鏡頭下的這位女孩子為例，其實佢嘅身形並不算太好，腳唔算長，大腿有點粗，唔高，面也有點肥。這類攝影對象我地可能經常會遇到(相信大家的女朋友唔會...><)。 那麼現在就利用廣角鏡幫她一把啦!
首先我地要令她擁有美腿一雙，在前幾篇'淺談'中，大家明白可以用廣角鏡的放大率，製造大小的分別，突出兩件物件前後位置的不同.但今次唔同，我地將放大率直接用在同一件物體之上。廣角鏡下腳部和身體的距離望上去遠了，腳也長了。這點之前已經介紹過，但更重要嘅係在廣角鏡的高放大率幫助下，Model的大腿，慢慢地將由下移上甘收窄，越接近股部收窄的感覺越明顯，理應粗壯的大腿，望上去變得跟小腿差不多粗.這時我們只能用修長來形容吧^^。
美女當然要有豐滿的上身，不是太大的下身，再加上一條小蠻腰啦.在放大率下，近鏡頭的胸口位置變得突出豐滿.一路移下身體漸漸收細，由於股部離上身最遠，所以得到最佳的縮小比率。以上方法最適合用在擁有梨形身材的Model身上。
最後我地一口氣把Model變高，把臉變小，手也修長一下，技巧其實同上面提並無不同，不過記住鏡頭不要放得太低，鏡頭同膝蓋等高就可以了，如果唔係Model就會有種向後傾斜以及有些惡及倨高臨下的壓迫感覺，相信大家都喜歡女孩子可愛啲吧!
待續....下期係天地篇...下期會講點映一個得意嘅世界觀最後一篇啦!本來應該開心,因為係DCFEVER竟然有人支持,不過最後又有人講埋啲唔關事的東西(害苦了兩位學生哥,多謝你地><,由其FOSSIL BOBO),其實第一篇我已經講我寫野嘅原因係 "....我有支非常好的廣角鏡頭要賣啦，但原來並唔係好多影相嘅人知道廣角鏡除左影得闊之外有咩好處，仲問我做咩要買多'舊'野呢 (攪到我滴晒汗...唉),甘我唯有係度講比大家知....."....估吾到,最後留言支持的人不多,冇分享又講啲洩氣野的人卻來了一個......係香港文化如此呀...定網路文化總是這樣.........寫野揾料都用了不小時間,連VIVIAN(這個站的女主人)都'炸形'.......唉...........下期最後一篇有頭有尾算><
4、從平面的紙上躍現真正的立體感
前幾篇淺談裡所講的攝映方法，大家可以把他們想像成在從鏡頭向無限遠射出一條直線， 在線上不同的距離上設下一個個平面，利用廣角攝映下大小的差異，令大腦從平面中感受到三維空間。
這是一種比對的方法，畫面中必定存在主客兩件物件。那麼如果要拍單獨的立體，廣角鏡又有甚麼作用呢?
左上圖繪畫出用28mm鏡頭和35mm鏡頭去拍攝一個立體時，鏡頭所處的不同位置.從左圖的動畫中，更加點出鏡頭位置的不同再加上廣角鏡獨有的放大率.28mm鏡下的立方體的四邊，出現了不平衡的放射現象。而不是35mm鏡頭下，一個由多個平衡四邊形所組成的立體。這種放射式的造形不但能為被攝物增加透視感，更加不會有一種好像木工草圖的電腦化及虛假感覺。
就以上圖為例，右面的是35mm鏡下的鐘，左面的是28mm鏡下的鐘.右面的明顯給人一種呆板木訥的感覺，而左面的相片卻讓人有一種透視感，鐘就像真實地放在枱上一般。
再來是一個好容易找到的生活例子，上面一幅蛋糕相你好容易就可以在街坊餅店裡找到.由於他們大多數都以35mm相機去映，是不是令你有一種老土，木木的，平價的感覺呢!
其實這正正就是因為大多數你見到的日式或高級菓子蛋榚店，都好像下面的蛋糕相一樣用上了28mm廣角鏡去拍，蛋糕活活的立體外形更見突出.而不會好像積木一般方方的放在那裡。
這種拍攝手法還有另一好處，就是28mm相中方體的垂直面比起35mm下方體的垂直面，擁有較大的面積.這樣餅的饀料更清楚易見。
請留意之前右手面那個鐘，我們看不到代表一時，二時，三時的點點，但左面的鐘卻可以。顯而易見28mm的相，可以讓觀者看到鐘面上更多的細節.這對產品攝影是非常重要..jpg)
那麼當你身處一個立體當中的時候，又點樣可以表達一種凹入的感覺呢?
就如左面的兩幅圖，上面的一幅閣樓的位置不能給你神秘的感覺，你完全不能感到自在一個盒子裡頭. 但下面一張卻非常不同，上有天花，下有地板，放大率讓畫面明顯的向中間凹入去，天花地板向中心點斜入去。
試比較兩張相，是否下面的一張更能拍出身處古老大宅內，那種包圍你的感覺呢!.jpg)
待續....下期會講點樣用廣角鏡把一個普通Model拍成頂級Model
