惡攪假面超人

熟悉我的朋友都知道我喜歡'假面超人'系列的特攝片,尤其喜歡'影月'世紀王.近日有位朋友把以下短片send比我,我才知道原來超人片都可以笑死你.....請留意字幕......^^'

期待已久的減價

Canon EOS 5D減價LU!
DSLR競爭劇烈，CANON 從七月就一路玩花招,先係30D玩個8XXX元減價PLAN,又玩買原廠送2000元現金CHECK...一早睇死你連中高階機種的EOS 5D亦不能獨善其身嫁啦，去年十月去問價,有啲鋪行貨價一早就已經係18XXX,水貨17XXX嫁啦,日前香港Canon就正式宣布將官方淨機身價由$23,200將調整至$20,800，慳回$2,400！

其實依筆者睇這只是想賺盡搾乾5D油水的做法,5D除左真係超正的FULL FRAME外,根本就係雞肋,SPEC一早OUT晒(唔好以為我講除塵這類只有玩相機而唔懂影相的人先關心嘅問題,我只關心負責色彩還原的processor,幾時由12bit轉做22bit或更高)...有心買FULL FRAME真係要忍手,無為2,3月出CANON新機到時又好似慨嘆30D年半間跌價成皮野咁! 講真NIKON同PENTEX的價格一早以對CANON做成壓力,唔係靠班死忠FANS(或鏡頭地縛靈)一早已經要變陣保江山啦!

DETAIL

Oh! My lovely PSP, You are my FANTASY.

就係昨日晚上,戰戰兢兢的我,把得來不易的1.5 frimware 板的PSP用了不到30分鐘的時間再加上一點衝動同魯莽........終於成功把我的PSP UPGRADE啦, 現在可以係任何時間地點都玩到PLAYSTATION (PS ONE), SFC, SEGA 5th GENERATION, GBA, PSP, GAME GEAR等多種家庭遊戲平台下的不同遊戲巨作,冇錯係包括PLAYSTATION (PS ONE)的遊戲呀! 想當年冇時間坐係屋企玩爆嘅GAME...現在終於可以玩啦....我的 FINAL FANTASY VII, 我的'惡魔城月下之舞曲', 我的 BIOHAZARD....天呀!
宜家部PSP唔洗再停留係1.5有限的功能上,唔洗再浪費30%嘅電力同CPU去模擬(devhook)新板的PSP 2.80 firmware....嗰種速度同多左嘅電力..............我黎啦!!!!!!

P.S. 1)網名 Dark_Alexander (DA) 的 PSP HACKER 於 2006年的聖誕節向世人發報了他所重寫的PSP驅動核心 (3.02OE+B),作為一個IT人,我對佢這種功力,同無言付出,實在敬佩!

P.S. 2)詳細升級教學 : LTC兄 的 'uWant' forum post

P.S. 3)詳細升級教學 : WWW.21CN.COM

P.S. 4)上圖係我用PSP玩自己由一隻好耐之前買落嘅老x PS FF7 UNLIMITED EDITION CD所轉嘅ROM. YEAH~ 奮鬥中!

P.S. 5)3.02OE+B 最勁嘅功能係,佢比你零障礙隨時downgrade番去到原本嘅1.5 frimware.....正!

2006大嶼山聖誕之旅 第二站 -- 昂坪吊車

昂平360的吊車(坐10人)明顯係大架過海洋公園的吊車(坐4-5人)

出發lu....相中的就是昂平360的東涌上車月台總站.

如果你click開張相你會見到遠處從右之左係有啲細細架嘅吊車, 其實呢個就係'昂平360'同其他吊車最唔同嘅地方, 吊車經常會進入纜塔及轉向站(相中左方的大型建築),並在這建築物中作 90度水平轉向,真係大開眼界.

吊車在離開第一個轉彎站之後,會經過一個大海灣(如果大家知道,敬請賜教^^),這裡有船經過,又有人撐艇釣魚(下圖).

這個是我用長鏡影海灣上面的釣魚人的. (我都好耐冇釣魚啦....搵日釣下魚先得)

吊車的右手面可以遠望整個新機場同跑道上的飛機.

上圖係我們經過其中一個纜塔嘅時候所拍攝到的, 你可以見到遠處的東涌新市鎮, 同埋纜塔的複雜結構, 你地諗下當日啲驢仔同建築工人起得幾辛苦呀!

當吊車張近要到達第一個纜塔及轉向站的時候, 吊車會作45度左右的爬升,望上去好高,同車的小朋友都話幾驚架.

上圖就是纜塔及轉向站的近照. 要係山上建立如此巨大的建築,唔怪得當日要用驢仔運材料上山啦....... 我有位朋友讀土木工程,唔知佢會唔會覺得有份參與這些建設會係一件好自豪的事呢!

上圖就係吊車入到去轉向站的情景, 你唔好以為這裡冇人控制,其實每個站塔你都會見到有工作人員註守.....講真呀!番工要爬山上去這裡,呢份工的確唔易做, 有勞啦 ^^' 各位註守工作人員.

WA! 上到山頂仲勁, 如果話海洋公園的吊車係依山以建, 咁昂平360的吊車可以話係吊在一條山頂到山頂中間的吊纜上面的吊車, 有時吊車可以離地成廿幾三十層樓高.........簡直好似飛咁 !!

吊車下你可以見到一條由山腳一路彎彎曲曲經過多個山嶺嘅行山經........ 真係有人行嫁! 佩服!

長鏡下你會見到行山徑的每段路,都是由木板或石板鋪設又有扶手....我諗行應該幾好行,不過上落幅度真係幾大,鍾意行山嘅人真係應該挑戰下.

沿路你會見到多條行山徑, 有好幾個分义, 有心想挑戰下的朋友, 我諗你地先要查清楚點行至好.

Click 大張相, 你會見到行山徑旁有一個山間水泉, 相信係度洗下手, 涼一涼, 可以休息番一陣相信會係幾舒服嘅.

上圖係到達昂平市集前最後一個纜塔及轉向站, 望落去簡直好似星球大戰裡面嘅基地同機械人一樣, 山頂上突然有舊咁嘅野真係好壯觀.

好野! 終於都望到大佛同昂平市集啦....... 咩話你睇唔到..click 大張相就睇到嫁啦!

嘻嘻....遠鏡下的大佛.......冇腳架都幾難影.

YEAH! 昂平市集全景~~~

落左吊車後你仲可以同吊車影一陣相, 冇人會話嫁....不過影一陣好啦喎^^

下一站 -- 昂坪市集

2007年1月1日....BB會做的乜?!

Vivian ^^ : 咦?! BB 仲訓緊喎...嘻嘻!個頭好似個义燒包咁...影張相先...咳喳(相機聲)..


BB >''< : 喵 o0O....
Vivian ^^ : BB! 新年快樂呀!


BB >''< (心諗): 咦?! 仲好早喎......訓多陣先...


Vivian ^^ : 2007年到左啦...BB起身同大家打招呼啦! .....仲唔起身喎!....等我扯開你啲被..聽你凍醒先得!


BB >''< : 喵 o0O....
Vivian ^^ : 嘻嘻!起身嗱?! BB...


Vivian ^^ : 係囉,'FING'下嗰頭做下早操,你就唔洗咁肥啦!


Vivian >< : 吓! 你竟然轉番入去訓過.....激死人啦!!!