Pomme de Terre II -- 生日飯

星期四我哋去咗灣仔三里屯啲Pomme de Terre II 食生日飯， 嗰度環境好，好浪漫，不過好靜，我哋講嘢都唔敢咁大聲，更加唔敢影相啦，所以今次無相睇....

一入到去有無幾耐就有個大廚同我哋介紹當日有乜特別新鮮，好搞笑，佢哋會攞件牛扒放係枱比你睇，就係咁Vivian就叫咗佢哋介紹嘅Black Angus ， 而Kenneth 就叫咗件M8和牛，而且當日仲有promotion，叫main course，就自動upgrade 咗係set， 有湯，starter，main course， desert 同 tea ， 好低...

湯: Kenneth:周打蜆湯， Vivian:龍蝦湯

2 個湯都好好味， 不過都唔夠啲包好食

頭盤: Kenneth:香煎鵝肝， Vivian:法式焗田螺

鵝肝味重，未能入口即溶，食完好似有啲粉係口咁，反而配鵝肝啲包同沙律好味得多田螺好滑好多汁，但好重酒味，唔係唔好食，不過唔係好合口味..

主菜 : Kenneth:M8和牛 Vivian black angus

和牛好好味，又淋，又juicy， 又有牛味.....但Black Angus 就比較乾，牛咁無咁濃，加上食完咁濃味嘅starter，開始食時完全食唔到有味下次一定要食完starter停下先再食main course ><

甜品: Kenneth: Cholcalate brownies， Vivian 甘荀杏仁蛋糕 ><><

Vivian 只係食咗一口， 就成件比咗Kenneth其實Kenneth 話無乜問題，只係 Vivian 唔鐘意玉桂....之後， Vivian 好後悔，其實仲有好多唔同嘅 desert ， 但 Vivian 見咁多見到呢種，咁咪試吓，就係咁.....Kenneth就好開心，因為Vivian 無得食...唔通Kenneth 嘅願望好快會成真?

Tea: Kenneth: 檸茶， Vivian: Capaccino

到咗埋單， Vivian 簽咭， 個 waiter 竟然攞咗枝手臂咁長嘅筆比Vivian簽， 佢仲要好正經咁話...呢枝筆係最細枝嫁啦，我平時都係用呢枝筆嚟落單...Vivian 真係笑到唔收係聲，更加簽唔到咭啦....咁個 waiter 又講...係呀真係最細嫁，唔信我攞個筆盒出嚟，擦膠都有咁大嫁(當時佢係做埋手勢，表示又係有成隻手臂咁大)....Vivian真係笑到傻咗，咁個 waiter就比返支正常嘅筆比Vivian 簽...

希望Kenneth開心同滿意啦!

2006大嶼山聖誕之旅 - 大澳

由寶蓮禪寺坐巴士(好似係21號)唔洗20分鍾就去到大澳...
去到大澳，當然唔少得周圍搵下馳名的'茶果'啦，不過由於之前實在食得太飽，所以真係食唔落.雖然冇食到，不過聞落...茶果的味道有啲似日式草餅，而且原來'茶果'只是統稱，其實佢地仲有好多款式的.
當然除了'茶果'，當然仲有水郷特產，蝦乾，白飯魚乾，仲有好正嘅生插'蠔市'啦.
來到大澳，我覺得在這裡食海鮮比西貢還好，雖然這裡沒有大龍躉，但樣樣海產都生猛活潑，價錢又十分商宜.
在大澳的漁檔之中，我地發現了一種從未見過，樣貌好似大圓石春的蟹呢....不過我地唔知佢叫咩名:p
大過舊石的巨硯.....
從前的横水'渡'現在已經不復見，取而代之的是這條藍色的大鐵橋........ 從前遲遲都未能訪問大澳，現在真是有點可惜:(
在那條代替横水'渡'的大鐵橋之下，我地發現左兩架有趣的'賣魚船.魚船的船身被改裝成一個魚缸，裡面養着鮮魚^^
如果要買魚船上的魚，你只需對漁家講你要咩魚(其實要買蝦蟹蜆螺都得....應有盡有...勁!)，佢會用一個長柄籃遞條魚比你睇，你覺得條魚ok，佢會幫你入落膠袋，再用長柄籃遞比你，到時你只要放錢入個籃到就完成交易嫁啦^^
大澳裡面最有趣的可以話係過左横水'渡'鐵橋之後的水產街， 有大大條鹹魚(唔講你唔知鹹魚除了有'梅香'之外，還有'蒜子肉'，同埋'實肉'呢^^)
.......以下係一條鹹大龍躉.....
鹹大龍躉旁的是一條鹹鯊魚....^^'問你驚未!
之後仲有新鮮海產， 有海產小食...例如:炭燒瀨尿蝦乾， 炭燒魚子乾....等等.............你地睇下為食嘅vivian睇到聚精會神咁就知道好香口...又好味啦......(當然vivian又買左啲黎食啦^^')
之後我同vivian都買左啲當地特產咸魚，後來回到家中vivian的媽媽立即泡製了一條香煎咸魚，wa嗰仲香味真係唔講得小.後來仲有時間，我地仲遊船河睇日落添....

以下是其他我覺可以見得下人的照片..... 多謝收看!

全圈完

Reply for someone's opinion about Big Brand just like Canon & Microsoft

In fact as a IT industry worker, i never regard that Microsoft (MS) 's business appearance is not good, i really know that work out a Program / software really worth the price that all you pay, (as many people not think in this way so the salary of IT worker is really can't compare with other professionals) and indeed writing a system without bugs is impossible..... but the fact is that many hacker not like MS monopoly working style so make virus or to attack, so the point is not about the thing is good or not, is about it get fans or against guy.....

....... just what i observe in the reply of below post, many people still think that Canon sell things in expensive way can make the buyer feel it is a luxury and a sign of your succssful status in this society ....... that is the prove of Canon really catch the mind of some people just like what ipod and Mac do ....

....in my mind, i think now is web 2.0 era, all you know is the real thing behind a company can offer, and we can easily know who said they selling the best for you but hiding the best of the best behind..... just like TIMES said this is the era of 'YOU' and we can let the company know they should selling the things in reasonable way...... we are not paying to let them rich, we just paying for what they deserved .....

Finally sorry for this annoying post and demaged your happy shooting....just let it go and enjoy what we can afford....... and thousand thanks for 'Cankon' alert me the most important things just the tragedy of family violence and irrational of high housing pricing is due to the major authority of hong Kong is '願打願捱' (means customized to irrational and no said)

Canon 啲形象越來越差

我覺得canon越來越似街邊騙檔賣高科技電子零件, 啲機減完又減, 好彩現在啲資訊甘發達,呢度大家都知佢有40D就出,如果唔係等於買高科技等回收的電子垃圾,佢啲行為簡直同同街邊啲日日喊'最後三天淸貨大減價',但又日日都係最後三日嘅鋪頭一模一様,明知佢有FULL FRAME後繼機,又死都唔出.

如果上半年買左部30D機,唔夠半年跌價過5000元,想透過2手市場舊換新都唔可能....你話啦新舊功能差一大截,到時鬼要你部舊機咩! 辛苦搵回來的錢,唔夠半年就同你揮發左半萬資產....

CANON你啲走焦都算,不過現在這種好賣'垃圾'的行為,實在冇咩商業道德,同埋不顧顧客感受啦喎........... 雖然我未中過你招


Quote from http://www2.brando.com.hk/

Thursday, 1, February, 2007

繼5D之後，日前香港Canon再宣布旗下多個型號亦進行減價，包括EOS 30D，由原價HK$13,400減至HK$12,980，Digital IXUS 850 IS則由HK$3,280洞 至HK$3,080，PowerShot A710 IS由HK$2,680減至HK$2,480。

Happy Birthday to Kenneth ~~~ >^.^<

今日係Kenneth嘅生日,祝Kenneth事業順利,人工可以加多啲,今年可以(同我一齊)讀到master,身體健康....為了令成日手腕痛的Kenneth,可以減輕負擔,所以我偷偷地落旺角買了個新袋比佢(上圖左手邊嘅係舊的.....講真FX CREATION出的袋本身用料就好重,得個款,我想幫Kenneth換好耐嫁啦,不過同佢睇極都唔啱,後來找到這個超輕,又有cusion保護Kenneth部umpc....於是決定買,點知佢又由264元加價到 284 攪到Kenneth覺得好似比人呃咁,所以唔買........點知到我前日落去間鋪仲由284加到296........哇,我幾辛苦先講服店員用280賣比我.....你地唔好以為我'辜寒',其實係我如果買貴左Kenneth會唔高興嫁...... 今次佢仲讚我叻添!

今年係我同佢一齊過的第二個生日,希望以後都可以開開心心啦....生日快樂..MEO!!

p.s 仲有今晚我地會一齊食法國菜,我都未去過嫁,希望會好食啦 :P!

P.S.2 生日願望係希望 vivian 可以瘦番之前肥左嘅5磅,同埋再廋多五磅!

KENNETH: 多謝晒Vivian! 我好鍾意個袋呀!! >^.^<

Jenny Bakery 熊仔曲奇

又到咗新年啦,好多人都開始辦年貨,如果今年唔想送藍色曲奇或金沙咁行,咁我介紹一個好好味嘅local homemake 選擇比你哋啦....

相為'4mix'曲奇,即是有4種款式

Jenny Bakery 嘅曲奇出咗名好味, 佢哋牛油曲奇係我嘅至愛,有好香嘅牛油味,同超鬆化而咖啡曲奇就係我媽媽嘅至愛,佢話最鍾意啲咖啡味好濃同鬆化....

佢嘅熊仔就好有英國風味,用嚟送禮都唔錯嫁...

http://www.jennybakery.com/

跟進'可口可樂教壞人'事件

就之前在本blog提到,對可口可樂廣告傳播不良飲食習慣事件,多謝網友'KK'的提示,本人已經向廣播管理局作出書面投訴.在此本人重申,廣告非單純之藝術創作,必須傳播正確且非不良之資訊,更不能假設所有觀眾有足夠知識或資訊去分辨訊息會否對心智或身體健康造成不良影響,而且更不能莫視不良資訊可能造成之不良朋輩影響(PEER PRESSURE),所以希望政府能作出顧全社會大眾健康的正確判決!

貓嗚~~~再見貓媽媽--阿雪

尋晚得到一個壞消息, 就係仔仔同BB嘅貓媽媽--阿雪離開咗我哋啦.....貓嗚(註:貓嗚係BB唔開心時會發出嘅叫聲)

阿雪只係六歲, 但已經係多子之媽媽啦....記得第一次見阿雪係BB二個月大嘅時候,去我教練屋企帯BB返屋企嘅時候,教練屋企有7隻貓,BB係第8隻,當時BB好細隻,但已經要撩交打,同大過自己n倍(係當時,因為而家BB可能已經大隻過佢哋啦)啲貓貓打交,佢媽媽即刻保護佢,要兇人,等其他貓貓唔好打BB,但BB仲係唔識死,仲係要行埋去人哋度,咁雪媽媽即時兇BB等BB唔好行埋去,當時BB真係無再行埋去...

前年,因為教練搬屋,所以我都同貓媽媽,貓家姐,貓爸爸,同2隻貓anties住過一排...貓媽媽同貓家姐同BB一樣係白色,如果只睇相嚟分都有啲難度,但係見到貓貓就會分到,因為阿雪啲淚管塞咗,所以佢隻眼下有一點好大嘅淚痕....

記得當日佢哋嚟到,貓媽媽同貓家姐同BB一樣八卦,又唔怕人,所以好快已經可以出嚟玩,佢一見到BB就係咁聞BB個pat pat,BB好驚....唔知阿雪係咪知道BB係佢嘅仔仔呢?

阿雪臨去之前幾日仲生左小bb, 但係小bb當然係唔得啦, 唔知阿雪係唔係唔放心小bb,所以過咗幾日,阿雪就去咗倍小bb............

阿雪走了,我就成為咗BB嘅唯一媽媽啦,我會好好咁照顧BB同仔仔,放心啦....再見, 阿雪!