多謝各位閱讀!! 我地會努力的!

通過GOOGLE ANALYTIC的分析,過去一週本BLOG的閱讀人數以過500,實在非常多謝大家的支持鼓勵,還望大家多些留言,我地會繼續努力的!!! THANK YOU ^^

淺談廣角 三 之 深度篇

3、表達主體的深度
好多人影相只注重相中主體的突顯，而忽略了留下觀賞者需要的呼吸空間，最終令氣勢恢宏變成局促壓迫而欠缺深度，以下有一個例子。

35mm鏡頭下並未能拍出整體構圖，畫面顯得局促，主因係天空拍得小了，令畫面有種下壓的感覺，船身又只拍下一半令人覺得船只是配角，令相片失去主題。

雖然畫面中有兩條連向船身的鏈子作為導引，但可惜因為不是用廣角鏡拍攝，令鏈身粗幼變化不大，令透視感不足，減弱把人攝入相中的氣勢同感覺。
但換了廣角鏡下船身及鏈條所構成的大斜角，令碼頭的氣勢宏大表現無遺，再者廣角鏡比35mm鏡頭更強的放大率令鏈條在近鏡頭的一端鏈身顥得較大，當鏈子向船身一端伸延，鏈身也縮小了，令觀者的目光由注意鏈身的仔細轉變，慢慢引向相片中心的船.鏈身在前，船隻在後，畫面也變得有深度。
講到這裡讓我做個實驗.左面兩張相都是以大頭狗公仔做主體，第一張相你先集中精神望大頭狗一陣之後眼光是否還可以自然自主地遊移於相片的任何地方之上(望下大頭狗後面啲書呀 Mon呀)，而大頭狗又比較清晰，所以大頭狗才免強成為主角了。
但是下面那張相你又先集中精神望上望大頭狗一陣之後，怪怪的感覺有否出現呢，你的眼尾好自然會向'高達'一處望去，越望得久越小意識要去望下大頭狗後面啲書，原因....聰明的你好容易發覺係Mon的邊邊形成一條斜線，佢帶引了你的視線，但點解上面張相也有斜線但又冇甘明顯的效果呢?

原因係人唔習慣去睇太近太大的東西，望耐了會向遠處移去.而廣角鏡正正就透過高放大率，讓遠近更方明，這就形成了一張有透視感(深度)的照片，當然如果focus放番係高達處(遠景物)效果就更好更出啦。

有人可能覺得廣角鏡只係用於寫景，其實以上技巧也能用於寫人。以下是一張自拍照，主角大大的母指先吸引我地的注意，然後通過母指所造成的直線導引我地去觀相中的Model。整將張相變得有前有後，視覺上也形成了一種吸力，比之用淺景深去拍人，廣角鏡下不但能帶出活潑生動的構圖，而唔係一個死古古的GESTURE，另外再附加上一種透視感同深度。

待續....下期係更神奇嘅立體篇

淺談廣角 二 之 氣勢篇

2、表達主體的氣勢及重心
相信大家一提到氣勢，好可能會想起大地在我腳下的感覺，要點樣先能拍出這種效果呢!答案正是利用廣角鏡來進行拍攝。其實廣角鏡有一樣好特別的東西叫高放大率。這個東西並不深奧，意思就是比起望遠鏡或35mm鏡，廣角鏡更能讓越近鏡頭的東西睇起黎更大。


這裡有個圖例你可以想到，就算鏡前人物大小不變，離鏡越遠的東西會小及可以完整地攝入鏡內。

講到這裡讓我做個實驗.下面兩張相都是以大頭狗公仔做主體，上面沒有用廣角鏡，下面就用了廣角鏡來拍。

好明顯上面那張相中三個公仔看上去是一樣大，因此相片變成沒有一個清楚的主體，背景也變得單調，令觀賞者的注意力完全放到三個公仔上，相片頓時變得平平無奇。

但下面一張相中，所有景物的位置完全冇變，但就因為用上了廣角鏡拍攝，就讓後面的'高達'縮小了，從而突出了大頭狗成為相片的主角，但事實上'高達'同大頭狗只有7cm的距離。

另外桌上大頭狗前的空間也多了，開揚了，也讓觀者有呼吸空間。


到這刻，大家試想下怎樣把這個道理應用到映人物....下面有個例子。左面的只是普通鏡加上正身的角度，右面的用了廣角鏡加低向上的角度。

因為低角度的關係腳比頭更近鏡頭，所以右面鏡頭下女孩子的腿部變得大了，頭部細了。廣角鏡將令這個尋常女子的腳到頭部的距離感增加了。整個Model，看上去高了。也變得有了點時代的高傲感呢，COOL!

淺談廣角 一 之 完整篇

近期如果你有留意本BLOG，當然會知道我有支非常好的廣角鏡頭要賣啦，但原來並唔係好多影相嘅人知道廣角鏡除左影得闊之外有咩好處，仲問我做咩要買多'舊'野呢 (攪到我滴晒汗...唉),甘我唯有係度講比大家知啦!

以下我們針對廣角端配合了廣角鏡(廣角轉換鏡)的特性來進行個別的說明。

大部份嘅人或許只留意到高倍數ZOOM可以映遠啲(例如演唱會映名星,又或係海洋公園從遠處映安安佳佳)，畢竟以一般人拍攝生活照來說，不夠廣頂多攝影者退遠一點，或是團體照時被攝者之間互相靠近一點。但以攝影的角度來看，廣角端是否夠廣，所呈現的畫面感覺卻截然不同。




１、表達主體的完整面貌
拍攝建築物時唔係次次你企遠啲就可以映到完整的主體,尤其是去參觀旅遊,你越企得後,前面的人就越多,好多時映出來張相都唔知寫人定寫景。有時中間阻隔你同景物的可能係一個放在路中的垃圾箱或一棵樹,甘你話點映啦...解決方法或許就變成用一個差啲角度去映..又或者映小個屋頂或映得上半身..甘樣實在好掃興更留不住旅遊的好回憶啦!


如果你喜歡在狹窄的車箱,餐廳的卡位,室內影朋友活動的話,你實在冇得企後啲嘅時候就更需要廣角鏡了.





待續....下期再講如何拍攝氣勢

不吐不快香港人 -- 貓貓篇(一)

近日又聽到一啲不負責任嘅主人唔要佢哋啲貓貓,真係心酸....

就想起有一次,有個同事叫我收留佢隻貓。開頭佢見朋友隻貓幾得意,而個朋友又要移民,於是就話養左佢,點知隻貓好cool,果個同事唔敢同佢玩,平日又要照顧佢,好煩!這時同事就唔想無止境咁養落去,於是想叫番佢個朋友要,但佢個朋友settle down 之後又唔想要隻貓...所以佢走黎問我可唔可以收養佢....唉!我當然無要到啦..我好心不就等於縱容佢嘅不負責任...之後當我問佢點打算嘅時候,佢話佢媽媽搵到一個地方........(你地估下係邊度)...........竟然係佢媽媽返工附近啲街道,嗰度有好多流浪貓,又有人比嘢啲流浪貓食,於是佢覺得冇問題........唉!隻貓由細到大都有人養,叫佢點同人爭食先得架...最後隻貓變成點我都唔敢問,怕知道後會唔開心....

每次啲人唔要佢哋啲貓貓時,都會問下我要唔要佢哋,可能佢哋知我有2隻貓貓,可以幫下佢哋(減少罪惡感),當然我係唔會幫佢哋嫁,因為我覺得要做一個有責任感嘅主人,一養就要養佢哋一世,唔可以養養下唔要佢哋,佢哋都有生命,唔係玩具,就算佢哋有幾煩(雖然有時真係好煩,由其係BB),都唔可以唔要佢哋,好似你屋企嘅一份子咁,無論佢哋有病又好(當然要以佢哋辛唔辛苦嚟決定),煩又好,都唔可以唔要或了結佢哋嫁。

愛佢哋,呢個係我對佢哋啲承諾,對佢哋嘅堅持....

聖誕節將近,希望唔會有人未諗清楚就將啲貓貓狗狗當作聖誕節禮物送比人就好啦...

下次再續.....

好過銅鑼灣拉麵街 的日本正宗 888拉麵

今次"Vivian食食食"要介紹嘅嘢係我同Kenneth都好鍾意食嘅---888日本拉麵。

888拉麵係來自北海道Sanpachi拉麵的一分子，San其實係3的意思，pachi就係8，加埋就是38，而為了更易記於是取名888。

第一次嚟食係拍咗拖無幾耐嘅時候，見到個門口好有日本風味，於是行入去試下。當時個日本老闆用日本口音啲廣東話同我哋講，"食唔食煙嫁"...Kenneth 一時都聽唔明(p.s. 因為 Kenneth識少少日文，一時無諗過佢會講廣東話，所以聽唔到)，反而唔識日文啲Vivian一聽就聽到...哈哈....

嗰次食咗啲乜而家就唔係好記，不過當時間舖頭好似只係得唔同湯底嘅义燒拉麵食。好多日本人去食，都好爆嫁，環境都幾好嫁，又坐得舒服又靜，而且仲有廚房境睇添。Kenneth就最鐘意，因為可以見到啲人點樣整啲拉麵嗎 :P。 碗义燒拉麵好好味，...Kenneth仲特登食到"shuuuu shuuu" 聲引我笑，好開心，好sweet....

幾個月之後再去，唔見咗個日本老闆，唔知佢係唔係返咗鄉下...但係佢一唔係到，間舖頭好似小咗啲嘢咁。今次去多咗豬扒係菜單到，當然要試下啦....豬扒都幾好味，但啲义燒就差咗好多，薄咗好多...好唔開心><，連Kenneth最鐘意嘅廚房境都無咗....

近日因為想係blog到介紹呢間拉麵店，所以再去，好彩個日本老闆返咗嚟，佢嘅廣東話進步咗唔少，起碼kenneth已經聽到老闆係講廣東話...哈哈...廚房境又返咗嚟...kenneth 好開心 :)

今次我哋叫咗鹽味醬油义燒拉麵同肉味醬油义燒拉麵加埋一客吉列豬扒，呢鋪水準返晒嚟啦。碗麵啲义燒好多好厚好滑好"林"好有口感好好味，麵質好好，唔會太"林"，我最怕食啲好熟同好"林"嘅麵...湯就仲好味，其實之前都已經試過好多隻味，隻隻都咁好味........價錢都幾貴嫁，成hk$60-70 一碗，不過好飽，如果己拍拖嚟計，2個人加埋都唔洗HK$200，就覺得好ok

豬扒都幾好味，又"林"，又多汁.....yummi，快啲去試下啦!























P.S 888日本拉麵除咗銅鑼灣，尖沙咀都有分店，但我就未去過，不過見到openrice啲評語好似銅鑼灣好味好多咁，唔好去錯喎。仲有888拉麵係街鋪黎嫁，我已經mark左落個map度，想食就去下啦!

減肥 week 5 -- 1個月的總結

哈哈,減肥日誌唔知幾時變咗減肥周記..不過無所謂啦...最緊要自己blog得開心,無壓力,咁就無乜問題啦 :）

星期六(2.12.2006),又去咗個nutrition coach度覆磅,話咁快又１個月啦，total只係瘦咗２磅，吋數都有減到啲，但係唔係好滿意,成個月先減到２磅．．．咁我點可以２個月減１０磅喎（因為參加咗減肥比賽，要最少減到６－１０磅先有獎品嫁 >< ) .....新一個月,又要比錢買product ><.....買product時先知原來我飲少咗蘆薈汁,唔知係咪咁所以減得咁小呢?

之後呢個星期加返蘆薈汁嘅份量....嘩,一日肚痛到黑,近排公司又多嘢做,咁點好呀!! 不過近排便便嘅顏色已經變咗...哈哈,終於過咗排毒期,希望可以瘦快啲(nutrition coach係咁同我講過....),仲有近排胃口已經無之前咁大,好奇怪,又無乜特別控制,但自己會收口...唔知係咪啲product終於有效呢?不過近排無乜記性,成日唔記得食溶脂片 :p,如果因為咁減唔到就慘啦!

Get Out The Song From iPod !!!

最近有一位同事誤將一首儲在電腦內的心愛歌曲刪除了，最後只留下已經傳到iPod裡的一個copy。這種經驗大家可能也有過吧!當然他非常想將這首歌抄回電腦啦，於他便走來問我怎算好啦!於是我便介紹了他用casicakes.com 的'iPod2PC'這個軟件啦。

雖然它是一個收費軟件,不過如果你只是想把數首歌曲抄回PC,試用版相信已經非常適合你的要求啦!因為是試用版,所以用者只能一首一首的選擇歌曲並進行抄錄。 如果一次選擇多過一首歌曲,試用版只會為你抄錄選擇了的總目中的一半。