星期五, 1月 26, 2007

可口可樂教壞人

近排可口可樂有個新廣告,內容大慨係話鄭中基不斷咁攞啲可口可樂出嚟,同人地換餐飯食下咁啦,本來都無乜特別(更加談不上吸引),但係佢最後講咗一句"原來用可口可樂餸飯係最好食嘅"...嘩,一聽到呢句,真係火都嚟,教壞啲細路.(軒軒唔好學呀!>< 而vivan媽咪同一班有仔有女的太太團,更加叫我地一定要係個blog到向'可口可樂'表達不滿)

當政府不斷咁教育小朋友要有健康飲食(三文治,水果等等), 又要記得日日2+3....較早時候更加有調查顯示,好多香港人都太肥,由其係小朋友. 肥胖肯定會增加患上疾病的機會,例如糖尿病咁...而更早之前更有研究顯示,飲太多汽水會對發育中的小孩的腦部發展有影響,尤其係對情緒控制同專注力有長遠不良的影響!

對於提倡大企業對社會或社區都應負上社會責任的今天,作為國際性企業,我相信佢哋除咗要有盈利而去賣廣告之餘,都應該考慮下賣告內容有沒有教壞細路,不竟今天的小朋友雖然未必是明日的棟樑,不過一旦佢地身體唔健康,一定對我們的醫療褔利系統做成長遠及龐大的負擔...........

就係今天當我在快餐店食午飯的時候, 有個小學生就正在用汽水送飯,更因此事和父親鬧交,而小朋友更話:'老竇你甘老土嫁, 電視都話用可樂餸飯啦!有問嘅話又點會比播呀!'........唔該政府或者傳媒都應該為做番啲野去保障下大眾市民的共同利益及健康吧!

星期四, 1月 25, 2007

不吐不快香港人 -- 貓貓篇(二)

要做一個負責任嘅主人,除咗自己預備好之外,家人嘅support都好重要嫁..

好似我個同事咁,有日佢叫我收留佢隻老貓,同事嘅貓貓已經十幾歲,養咗咁耐先唔要,原因係佢老婆唔鐘意喎....唉...後來點,我都無問啦,又幫唔到人.......你話可以點....

好似我咁,除咗我同哥話要養BB同仔仔,其實成家人都唔多唔少都要負一啲責任,例如佢哋好幫手清理貓貓廁所,喂貓貓食嘢,同佢哋玩,要忍受bb(貓)啲叫聲,同會多咗好多毛係屋企同啲衫到等等,如果佢哋唔合作,咁都幾煩.....

不過我同BB都好好彩,因為kenneth已經考慮到呢個問題(雖然我哋距離結婚都仲有好長嘅日子 :p ),佢都會幫我成為負責任嘅主人,kenneth話如果我哋結婚,kenneth都唔會唔要BB嘅(如果唔係就慘啦 >< ), 不過kenneth就為咗BB而傷腦筋,因為唔知kenneth嘅屋企人會唔會唔鐘意BB啦,亦都係咁,可能住屋嘅按排又要好好咁計畫一下.....(唯有自己鎌多啲錢,幫輕下kenneth啦!)

所以養寵物之前,一定要同屋企人相量一下先得.....

星期三, 1月 24, 2007

減肥 week N

都唔記得幾耐無寫減肥日誌,因為無乜進展所以無乜update大家,但近日本來由持續向下啲身重,特然又返彈....唉!即係打回原形.....近排天氣凍咗,又病咗好耐都未好得返,就係咁水腫又返嚟,足足重咗成4磅.....唉...希望快啲可以減返啦....

不過呢次經驗,今我知道無論你用乜方法減肥,都要用意志...唔係你比咗錢就得....

為咗要減返嗰幾磅,我要努力咁做以下幾點:

  1. 要飲多啲水
  2. 要做多啲運動(要一星期跳繩(1000下)三日,同去一日GYM)--但係今個星期只係星期日跳咗繩 ><"
  3. 晚餐只係飲shake同食菜
  4. lunch要食現在吃的一半


希望係新年之前可以減10磅.....仲有唔夠一個月....我要努力呀!!

星期二, 1月 23, 2007

銅鑼灣AMICI Cafe差劣的服務生

今日Vivian個斯文女仔friend同佢講,有日佢去咗銅鑼灣AMICI Cafe度開birthday party,點知攪到佢一成肚火,不吐不快,而佢見我哋個blog多啲人睇,所以要求我哋幫下手post咗佢啲經歷出嚟,等少啲人會係生日party中遇上不快經歷.....朋友有火,社會不平事,當然要幫手啦!

以下係當事人(cassy_2)係 http://cafe.up4food.com/amici 啲投訴:

1月20日,我同班friend去左呢間樓上cafe食飯, 本來都好地地, 但坐坐下發覺其中一個店員成日都對住我地黑口黑面。俾人黑面我地都好莫名其妙, 但我地冇理佢。

我生日, 我d朋友買左個cake俾我. 個cake由那個店員拿來...佢居然可以放低個cake走左, 冇拎叉同碟俾我地!我地要叫另一個人去拎。大佬, 你地收我大拿拿50蚊"cut"餅費的! 好啦, 我地想一齊映張相, 叫人埋黎, 咁o岩又叫著佢(那個店員!)佢好是旦咁映就走左去, 張相out focus!

本來都冇咁火的, 我地臨埋單時, 見到那個店員拿cake俾人, 仲好好口咁問人地: 「有冇帶相機?駛唔駛同你地映張相?」

哇! 好明顯係針對我地黎黑面啦! 我真係唔明我地做左乜要受氣law. 我地七個人o係o個度食左成千銀, 又唔係叫杯coffee坐成日.

一返到屋企已經send左投訴信過去(1月20日), 但到今日(1月25日)都冇回音。其實我預左冇人回, 但唔寫信去投訴我真係唔安樂。呢間o野, 一定冇下次

其實社會失業率低是一件普天同慶的事,但大家有否想過有啲人冇工作做其實係一件好事,如果勉強令一些工作態度差的人也能找到工作,只會增加社會怨氣,一個waiter一日對成幾十個,可能會令好多人因其差劣的服務而帶有怨氣(你地試諗下,出街貼錢買難受,你地會唔會都非常不愉快呢!),所以佢一個人冇野做唔開心,好過個個比佢搞到唔開心....有些人是值得'失業'的!

斯斯縮縮的所謂大行CANON.

於2007-01-22大行CANON,又再次發揮其斯斯縮縮的愚弄手法,在其官方網站中,赫然加入了DSRL EOS 40D 的網頁,不過不足24小時又REMOVE左,雖然內容上竟然是一片空白的,但不難發覺CANON又開始利用那批死忠FANS,作出低成本自發式的宣傳手法,雖然筆者我一早批死佢會2,3月出新機,不過不小讀者都當我口痕亂寫,在下更發現有不小手上有銀的富貴人家,同一些頭上冇腦的敗家一族,都在這個月內購入30D,相信不久又會有人出POST怨CANON跌價太快,不過心水清的都會講一句:'傻仔鬼可憐你啦!'

筆者大瞻再講多一句,40D推出已後,有可能某N名大行,S名大行,將會發報其FULL FRAME DSRL產品(其實N同F一早合作整緊FULL FRAME,而S就一早有FULL FRAME CCD出產,其實ALPHA出的時候好多行內人都估係FULL FRAME,不過S當然又留一手啦),如有是旦一間大膽到還以顔色,真係攞部新FULL FRAME出黎賣,哈哈,到時就如NIKON 80D 一出CANON 400D 即到的歷史再度重演,大家手上的DSRL一定插水跌價,當大家聽到敗家仔的哀號時,相信就是大眾用家福音將致的時候呢.......福音嗎!聰明的你一定知道只有耶穌復活同出世的時候最易聴到啦!

欺詐銀行網站

成日都聴到新聞話有欺詐銀行網站,其實一向都以為唔關自己事,點知近日就成日收到這個email......email 裡的網址 www.citi.com/globalportal/id01774033/app , 當你一click入去,其實係會去左www.citi.globalportal.id01774033.com/app.........提醒一句小心有詐!