5/11/2006 減肥開始

近年來,唔知點解香港啲人鍾意著三點式去游水,身為一隻過氣水怪,游水對我嚟講真係一啲難度都無,但最難係要著住件三點式去游水,著一件頭去好似隻怪物咁,所以近年都無乜去游水.......

最唔可以接受就係肥過自己男朋友(男朋友腰圍得28吋咋,而自己嘅腰圍就仲大過同自己嘅年齡)加上Kenneth好希望有一個24吋腰啲女朋友...哈哈咁大個女有意識以來都未試過,自己都好想,所以決定減肥....

其實都試過好多減肥方法,都work架,但係個肚脯減來減去都減唔到,都唔明點解,無理由廿幾歲又未生過會咁肥架嗎,節食又試過,做運動又試過,都係唔得......於是最後都係要揾幫手.....

最係由妹妹介紹去咗間叫做--康XX(由於無收錢,所以唔幫人賣廣告^^),個 Nutrition Coach 同我check過我原來係水腫形肥胖, 我有164cm高(唔知幾時少咗1cm), 中骨架, 所以目標係120磅左右唔可以太輕(其實宜家都係減幾磅咋喎><),好消息係水腫形肥胖,減得最快,但係我嘅目標係要同vivian (周慧敏)一様重(佢有110磅),就未必得囉......,而家就set咗係118磅,但係佢話吋數就一定可以減到喎.....

不過為咗要係30歲之前要著到三點式,一定要努力架......(因為時間無多><)