好事！成雙！恭喜，恭喜！

星期二係一個long weed end之後返工嘅第一日,又係Helloween, 但最重要嘅係我地親愛嘅舊同事chris嘅大好日子! 成個老襯,從始被困...登登登登...恭喜chris終於成為老襯啦...

當然仲係好有Holiday mode 啦! 咁Vivian就一早叫Kenneth,一放工就走人(Kenneth:其實平時都係咁 ^^').....我哋落到旺角,一落車有一間叫石磨坊嘅甜品店....其實幾年前就有朋友話比Vivian知啲間啲"糊"好好味,因為唔係好順路,所以一直都無乜機會食到....今日,Kenneth驚Vivian會餓到胃痛,所以破天方批准Vivian食甜品(Vivian: sweet sweet ^^ ),我哋叫咗一碗合桃杏仁糊...好好味嫁,啲質地好好,好香,好滑,一啲都唔似開粉.....而一個驚奇的巧合亦都埋下了伏筆.

時間尚早,之後我哋去咗朗豪坊行吓,見到有商埸職員派紅色魔鬼角(Kenneth 心想: 攞返個比栗之頭帶先!....邊個係栗子頭?!...遲啲你就知^^)....就係咁就推咗Vivian去攞 (Vivian: 要唔要多個呀?HE HE..)(Kenneth: 唔洗啦....^^' )就係咁, Vivian就攞住個魔鬼角玩啦....

時間差唔多,約埋Alex一齊上去....上到去,原來好多朋友都已經嚟咗,Vivian當然仲係到玩近個魔鬼角, 軒爸見到好想攞返個比軒軒玩,於是軒爸就落返去商場攞啦,不過都係無功而還....Vivian見到軒爸失望嘅眼神,就同Kenneth講,不如比軒軒啦...kenneth咁好人當然會比軒軒啦(Vivian: 佢自己都係軒軒嗎 :P)(Kenneth:呢次將會係我blog出台以來, 第一次對軒爸湊仔公blog主作親切外交訪問, 並為我地返回六方會談鋪路.....)(Vivian: - -' ........ 大家睇吓軒軒個魔鬼Look!!^^).

正當兩blog主作親切互訪嘅同時,突然間強勁嘅音樂響起,哈哈....原本Chris最鍾意食嘅燒脯仔(乳豬)出場啦........果然係chris嘅婚宴 ^^'

酒過三旬, 一輪鮑翅之後, 最後甜品到.........合桃糊是也 :p好事成雙，甜品成雙^^

To Chris: 係呢度我地祝你倆白頭到老,永結同心,快啲生個肥肥白白(不過都係唔好咁肥好),又可愛,又健康嘅BB.....啲嘢食好好味呀,多謝晒 ^^

Vivian 的貓貓 之 二 登...登...登...Down! 有請 仔仔!!!

仔仔 Profile
名字 : 仔仔/亞仔/"袋袋"(爸爸鍾意咁叫 )
年齡 : 2歲半
性別 : 仔仔
體重 : 7.5磅
品種 : 短毛蘇格蘭摺耳貓 (Scottish Fold)
顏色 : 灰色，手仔同腳仔都係白色，心口有白色'口水堅'，肚腩有百寶袋(M 字毛)。

嗜好 :
食物 : 麵包，蛋糕(對仔仔嚟講都係包包)，貓零食只食硬嘅，weight control 貓乾糧，濕糧:(金裝)白飯魚，吞拿魚，懷石(各味)...但唔食雞(由於仔仔對食嘢咁講究，所以身材好fit架)

瞓覺 : 仔仔可以一日瞓到黑，不過多數都係瞓係道，唔係真係瞓著嫁，最鍾意嘅地方係有Vivian張床，佢自己嘅布籃，貓傢俬2樓，梳化...

娛樂 : 任何紙袋，膠袋，紙皮箱，貓尾玩具，棉花棒，扭摸摸(只會扭豪豪:即係vivian嗰哥哥(Vivian:媽咪話仔仔只係知哥哥叫豪豪喎,都唔知係唔係??)....同vivian媽咪,近排vivian都有份)。

專長 : 唔叫，唔跳，一叫佢就眼仔碌碌望住你。
"咋瞓"，叫"go go go" 就入豪豪間房。
放佢出走廊會跑返屋企。
偷襲BB......如果偷襲期間比你發現，佢會成隻硬晒...然後慢慢放低隻手跟著好快甘走佬。
見到小昆蟲,好"bear"實佢哋,仲會發出"ell"咁聲,話比人知有昆蟲係屋企到

性格 : 較文靜,好乖(因為唔係好鍾意跳)，介心重(佢一見唔識嘅人入屋就會哩埋，我哋屋企人一道以為佢有思覺失調)。

絶招 :
貓咪獅吼 : 就係"E"起棚牙，由喉嚨發出"fee~~~~"嘅聲音,用嚟表示佢極度唔想你煩佢 。
貓咪鋼槌 : 哈哈有睇過"仙太朗"都會知道啲一招，其實係仔仔會企起身，用佢嘅手(前肢)打人，我媽咪同妹妹都有試過啲一招打中面，佢哋都話有啲痛。
走佬 : 走去有人同保護佢嘅地方或者係人同肥BB都入唔到去嘅地方，例如貓傢俬2樓。


拍照當日: -_- "
Kenneth ^^ : 幫你影張相啦....
>''< ! :嘩!..想同我相...唔制!我搖.....



Kenneth -.- : 乖啦....一張就得家啦....
>''< :嘻嘻! 搖到你影我唔到...
Kenneth ( > <") : Vivian! 幫我夾實佢!
Vivian ( ' ' ) ! : Yes Sir!!!
>''< (O 0 o....!) : 喵!!.....郁唔到!!!

Vivian 的貓貓 之 一 你好!! 我係BB >^ ^<我係仔仔 > ' ' <

我係Vivian, 屋企有兩隻貓,一隻叫仔仔,一隻叫BB,佢哋係同父母但唔同胎嘅兄弟,好得意嫁!! 佢地點嚟?...話說我有個練水嘅教練養左2隻波斯貓同5隻摺耳貓,大約係3年前教練隻摺耳貓媽媽生咗3隻貓仔,其中有啲係cream色嘅,好靚架,但係媽咪一直都唔比我哋養動物,所以就放棄咗...但就埋下左我要養貓嘅伏線.

就甘過左3個月,教練隻摺耳貓媽媽又生咗3隻貓仔,其中一隻係同貓爸爸一樣係灰色,據教練講貓媽媽生咗咁多胎,呢次仲係第一次有灰色嘅貓仔出世,哥哥見到之後真係好鍾意,因為灰色嘅貓仔好似一舊塵咁,好cute架,哥哥唸住我地幾兄妹個個已經有毛有翼(我地自己係咁唸:p),於事就先斬後奏,攞咗返嚟先算.....佢就係日後嘅仔仔啦!

仔仔是一隻文靜,好乖我見到仔仔咁聽話又唔倒蛋,又會同佢主人(當然係我哥哥啦)有親密接觸,例如叫你摸佢呀, 係你腳邊瓹來瓹去呀...攪到我都好想養一隻,於是我就同教練講我都想養一隻呀.........

等左6個月.........終於,貓媽媽同貓家姐都一齊大左肚啦! 貓家姐個肚係被貓爸爸經手.....因為天理不容所以隻隻一出世就死晒啦(其實可能係父母啲DNA太近所以佢先會死). 貓媽媽今次生得2胎,一隻係教練返屋企途中已經出左世,而貓媽媽仲生近另一隻白色嘅,咁教練就走去幫手啦,點知回頭一望之前剛剛出左世嘅BB已經死咗><,於是白色嗰隻貓就可以食到2隻貓嘅奶啦...佢就係日後嘅肥BB啦!

VLINKUP 編輯部秘密會議

Vivian : 去澳門啲嘢寫晒啦!咁寫乜好呀? 不如我哋學吓軒爸,揾啲得意嘢作招徠啦! 佢個blog sell 佢個軒軒嘅可愛,好得呀!

Kenneth : 唔...... 為左我地個blog........好啦.....你以為淨係佢有軒軒呀, 我夠係軒軒啦.....一於 '軒軒 鬥 軒軒'........

Vivian(心想) : 敝! 如果比呢件事發生.....個blog 一定玩完.....話晒我都係半個版主......良知話比我知我要做啲野.....會有乜可愛嘢可以寫呢?我哋又未結婚,又無bb...呀!bb...我有呀!

Kenneth (忘想中) : 嘻嘻...個BB 仔都甘受歡迎.....聽軒爸講佢仲有個 '鬼' 婆FANS 留言比佢....嘻嘻......冇可能我冇呀.........嘻嘻........就算冇鬼妹可能仲有啲本地靚靚讀者呢................

Vivian (@@) : 偎...Kenneth.....偎! 你做咩呀!唔好嚇我呀! 你做咩突然癡癡呆呆..又流晒口水落地咁.....><....... 我想我地都有BB 可以sell 啊!

Kenneth *_* : 咩話....你有.....BB?

Vivian ^^ : 係呀!我隻貓,' BB' 同'仔仔'呀! 佢哋咁得意,一定可以引到好多人嚟嫁.....

Kenneth (心想) : 都好喎! 用貓吸引多啲女網友先.....哈哈...鍾意得小動物一定唔差啦!

Kenneth : 好! 咁就由你寫啦! 軒爸 有 麥田圈, 我地有神秘仔仔'鬼剃眉'....

Vivian : 咁即係又要我寫啦 ><

Kenneth ^^ : 辛苦晒啦......你係台柱嗎....

Vivian : 係!總編輯........(努力中).....

Kenneth,Vivian : 如果大家想知道BB同仔仔更加多嘅嘢,或者照顧貓貓嘅資料,就要留意啦!!

與肥肥人行MACAU (澳門) 之 五 魚翅鮮蝦燒賣呀!!

食到咁飽,當然要行下啦,其實係酒店出面有一個"中萄友誼之手"係噖日個的士司機話我哋知嘅....Kenneth前果幾日都想影但係唔係好就腳,今日有時間就影下佢啦......

之後Kenneth睇下地圖,發覺由酒店行去'紅酒博物館'和'賽車博物館'都唔係好遠,所以又係行去(Vivian:日日咁行法想肥都難:p)(Kenneth:你地話我幾用心良苦><),行下行下又見到澳門理工同奧運委員會出面有好多國旗,都幾靚嫁,於是Kenneth又捉左我來影咗好多相啦.

影下影下都唔知自己去咗邊,睇下地圖先...

Vivian:個博物館好似係附近喎?

.....Kenneth望下地圖,望下對面....

Vivian:而?

....發現係對面有朵金色嘅花....咁一場嚟到,又影咗一陣...影完先知原來佢有個'朶'...叫盛世蓮花(Kenneth:都係覺得香港個黄金紫荊屎塔型啲, 不過最好都係無左佢地仲好!) 再睇下地圖,原來間博物館係對面...

兩間博物館其實都係同一座Building入面---原本Kenneth只係想同啲靚車影下相,不過HK$20嘅入場費包埋visit紅酒博物館仲包一人一杯紅酒...咁我哋就'玩住'兩袋重'd-at d-at'嘅手信去晒2個館啦!

賽車展館,當然有好多靚車.....

紅酒利展館介紹咗紅酒好多資料....

最後,當然要飲紅酒啦...Kenneth要咗一杯紅酒,Vivian要冰酒...Kenneth仲學人搖下隻杯,同聞下杯酒....一飲...(Kenneth: 嘩!乜酒係甘難飲嘅 >< ....)(Vivian:( -_ -)睇泥! 細路仔都係鍾意果汁多啲喎....)行咗咁耐都係時候食lunch....

下一站:金沙自助餐

我地當然又係行去金沙啦! (Vivian: >< , 好攰呀！)(Kenneth:行下啦，一陣咪有得食囉^^)(Vivian: -_-)於是Vivian就乖乖地咁繼續行啦．．．好彩唔係好遠就已經到咗金沙啦．．．．Kenneth第一次到賭場，覺得好新奇，又唔知入賭場之前要寄存行李，又想响賭場入面影啲眾生相，但Vivian好驚，係賭場影相唔知會唔會比人打嫁喎，一陣人哋輸咗賴我哋就慘啦，Kenneth有收手啦 ...

終於到咗餐廳，每人HK$188，多嘢食嫁，有生蠔同燒牛肉不過水準一般，魚生好大舊嫁，又新鮮，一碟有６舊，每舊仲係有大約1.5cm至2cm咁厚，仲有三文魚，吞拿魚，八爪魚同蝦，雙併每樣都係６件(Kenneth:抵!)，熱葷方面除咗有燒牛肉，海南雞飯，豬，牛，雞.......樣樣都有，果汁仲任飲添，仲有即蒸點心，特別推介魚翅燒賣(限量供應)(Kenneth:嘩!! 魚翅鮮蝦燒賣呀........正! 鮮!)，好好味，好彈牙，一籠一隻，由於由廚師即做即蒸，食嘅時候小心熱呀...我哋一供食咗６隻^^....

食到食唔落啦，係時候走人．．．最後一站漁人碼頭

By Vivian & Kenneth

與肥肥人行MACAU (澳門) 之 四 一個早餐百樣人

一早當然Kenneth又係比為食嘅Vivian叫醒佢去食酒店嘅早餐,不過有咗噖日嘅經驗,Vivian知道遲啲落去都有得食,所以就比Kenneth瞓晏1個鍾咁多啦! (Kenneth: 我始終係唔知咩咁比人叫醒左 ><)由於國慶嘅關係酒店full booking, 我哋10:10落到去,雖然人多不過酒店方面又唔係好想搭枱,所以餐廳門口已經有一條人龍,有一個好燥嘅大叔係我哋後面,一見到咁多人就破口大罵...(Kenneth: 人地都有阿媽生家........)..都唔知係唔係輸咗好多,鬧完人又走咗去賭.....真係輸唔切......

不過真係好多人,所以搭枱都無法子,我哋被安排坐係一張6人枱,食食下嘢見到有3個應該係酒店嘅經理嘅人神色凝重,手指指眼望望,唔洗一陣條人龍就唔見咗啦,應該係佢哋安排咗啲人坐咗入啲大廳道,之後,佢哋3個仲做埋waiter啲野,係道set枱,放每件刀叉都係好講究....突然我哋醒覺到真係係酒店度食近嘢,不過最攪笑係原來佢哋set好嘅嗰張枱,唔係比客人坐,而係比佢哋自己食早餐用嘅^^.

同枱有一家三口,爸爸,媽媽同囡囡. 囡囡大約3-4歲,個囡話眼瞓,媽咪叫佢食嘢,媽咪出咗去攞嘢食之後,個囡就咁"巴"係張枱到瞓,咁佢阿爸見到咁,就自己嘢到唔食抱住個囡,由得佢瞓係佢身上....見到個爸爸好緊張個女,返而個媽媽就唔係好埋,唔知係唔係個爸爸平時好少時間同囡囡一齊,所以會咁呢?

食完早餐,返房收拾行裝,plan 下一陣嘅行程,就check out 去下一站 '紅酒 & 賽車博物館' lu.

By Vivian & Kenneth

升級啦!!!!

"Thanks a Log" 升級左啦! 希望可以帶比大家一種綠色平和的感覺啦!! 請多多支持! Orz!!!!