與肥肥人行MACAU (澳門) 之 三 擔天望地睇煙花

今鋪真係冇奶油行番酒店啦(Kenneth:除非vivian變左jerry:p)於 是就截左架的士由氹仔返酒店，一上車司機竟然唔係問去邊而係問我地:「你地唔排隊食豬扒麭呀?」，我地心想終於遇到一個識講野嘅司機啦！係澳門啲的士司機真係 大部份都五行屬木，十問九唔應，更談不上好傾＞＜真係指意佢教你去邊度玩，澳門旅遊業就晨早死得。一路上佢發表咗作為一個澳門人，對香港人食豬扒麭嘅意見 （例如香港人乜屎都排一餐之類...）於是我哋借頭借路問下佢邊道睇煙花最好啦 ....... 嗱ｔｉｐｓ來啦，原來’西環咖哩屋’對出湖邊係最適合影煙花嘅地方，間咖哩屋又抵食，出到去唔洗迫，又唔洗爭，靜靜地好適合拍拖情侶去，走嘅話仲可以塔到 的士添(因為觀光塔附近係會封路)。於是返到酒店先幫部DC上下彈藥，休息一陣，準備人機都义滿電之後，就出發去間咖哩屋，等睇完煙花就撘的士走，可惜我 們忘記了澳人的特性-_-....... 導致最後........

7:30pm 去到咖哩屋,咖哩屋已經有好多人排隊，於是Vivian又用Kenneth去施展美男計問下入面有無位，而Vivian就係出面等，過咗一陣 Kenneth出返嚟，佢話間咖哩屋都唔識做生意，入面其實有好位，但間餐廳由6:00PM就開始將個位留比啲客，如果最先一批打電話來的客一日唔泥食完 餐飯，佢嗰晚都唔會比第二組人用呢將枱，種之先到先得，有個肥姐姐都book咗7:00PM table for 2，但就因為將枱有個客訂左6:00PM，但8:00PM都未到所以係度等咗好耐啲waiter都唔比枱佢。作為商業社會長大的香港人對於佢地呢種 HANDICAP的生意手法已經睇唔過眼，但更想唔到的事重在後頭。個肥姐姐以為多啲人食，等枱的時間會短些，於是佢就想同Kenneth夾埋要一將四人 枱，咁table for 4 就會快啲，點知比佢地吹脹，個待應想都唔想就話「一將枱點落兩張單呀，畢如你地分番兩組人，一組食完先一組啦」，真係激到Vivian都變Jerry（激 奀）．．．呢個時候，Vivian遇到佢嘅舊舊同事又係舊同學，佢地話都係嚟睇煙花，佢哋一行4人（兩對情侶）都係唸住去咖哩屋食完飯睇煙花，於是 Vivian就提議不如一齊食啦.........但係等咗好耐，又無人入，又無人出，佢地竟然就甘行左去冇單聲又冇理我地(Kenneth:好在唔係真係甘肚餓啫，佢地甘樣話走就走，我眼都凸埋，一句話都唔講，女仔我都算啦，男仔竟然甘無禮貌，話晒大家都打過招呼呀．．．)

既然無飯開，於是我同vivian去左湖畔set脚架睇煙花....

等下等下,Kenneth就set好部DC先，影下相，就下位....

突然Kenneth嗌:乜咁快無電嘅?hehe...唔怕仲有第2排....

不 過原來佢唔少心留咗排電係酒店,唯有睇住嚟用啦......

八時十五，
岸邊二人兩手輕抅，傘下細語從前將來，
抬頭是你低頭是妳，
悠然望着細雨微風，
分針走了大半圏，悄悄指中天，示意天上正放着萬紫千紅。

終於到咗9:00PM，煙花開始，第一組係法國,嘩.....乜咁架...一係紅色，一係黃 色，一係藍色，可唔可以比多幾種顏色嚟睇下呀....就係咁過咗1x分鐘....放完....><....於是:

Kenneth : 咁仲等唔等呀,一陣係中國喎?
Vivian : 等啦返正嚟澳門都係嚟睇煙花....

於是又繼續等.....等下等下又差唔多到咗9:50pm，期間隔離有對情侶叫我哋幫佢哋影相.....

Vivian : 咁黑不如攞隻腳架幫佢哋影啦!

於是Kenneth就拆咗佢啲嫁生同佢哋影，攪到嗰對情侶鬼死咁唔好意思...唔該前唔該後......

Kenneth : 張相影靚啲，你女朋友就高興啲，你就仲高興啦.......hehe

於是佢地自然尷尬地笑作一團啦!

當Kenneth同佢哋影近相嘅時候,嘩!好大好靚呀.....始終煙花都係中國造嘅靚啲，話晒發明火藥嘅都係中國人，好彩無走到....(有朋友話:中國人只係識用火藥做煙花，而法國人就用火藥做炮彈,所以中國啲煙花咪靚啲囉.....)

放完.....好肚餓呀，我哋仲未食嘢架．．．．於是我哋又去返咖哩屋，因為已經無晒人，佢哋話廚師11:00就會走，咁我哋就是但叫咗碟馬介休炒飯，萄汁焗四蔬同咖哩大蝦，都ok啦．．食完走人，等的士.................又話有的士嘅??(Vivian:敝! 比的士司機昆咗！！)(Kenneth: 我地唔記得左，除左做賭場生意嘅的士司機外，大部份都晚上九時收工，番晒屋企嘆晚飯...... 這時我耳邊又响起下午那位的士司機的'勞蘇'.......「三年前啲午飯仲係買九'蚊'，而家比你地啲香港工人攪到賣25'蚊'，叫我地的澳門人點生活呀!」............ 其實你地勤力啲米得囉......唉!) 於是我地唯有邊行邊搵啦....行下行下...到返到酒店都唔見到一架的士.....>< 待續...
By Vivian & Kenneth

P.S. 今次令我(KENNETH)明白港澳兩地人民心態上的不同.....我為香港人而感到自豪.