西柚餐 Day 1 & Day 2

一年過咗去,之前嘅努力好似已經無晒....於是又要開始食西柚餐...
今次好特別,因為有人陪,有我妹妹同哥哥一齊,真係好啦,無人引我食嘢..hoho

不過day 1好頭赤, 好辛苦呀!
day 2 好啲啲, 不過好眼瞓呀!

不過2日都飲咗milk,希望無乜嘢影響啦！
今次仲食埋消脂片，雙管齊下，希望快啲減到目標.....２０磅

今日成績減到２磅．．．好開心呀！

大節過後,又係時候減肥啦!

大節過後,又係時候減肥啦!

今日睇到報紙,介紹新嘅飲食金字塔,所以去睇下啦!

呢個website,會因應你嘅年齡,身高同體種等等去幫你計下你要食嘢啲份量....

仲有佢個會幫你generate 你嘅 eatting plan 同 work sheet 比你...

呢個就係我嘅eatting plan :



大家都去睇下啦 !
http://www.mypyramid.gov/

胃痛,胃酸倒流急救法

近日,Vivian因為減肥食得酸嘢多,個胃好唔舒服,仲有時有胃酸倒流嘅情況出現....

話比Vivian媽咪知嘅時候,佢講咗佢同事嘅一個故事比Vivian知:佢有個同事嘅身形同肥肥相差不大,有一日,媽咪問佢同事點解唔減肥喎,佢同Vivian媽咪講,佢有胃酸倒流,胃酸一倒流,佢就會食嘢,所以減唔到肥....

聽到呢個故事Vivian心諗死得,於是即刻去睇中醫,中醫介紹咗一啲急救方法比Vivian,就係喱度同大家分享一下:

1.胃酸倒流
當有胃酸倒流,係唔好即刻食嘢,先放鬆自己心呼吸,等啲胃氣同胃酸過咗,之後,就飲一大啖同體溫差不多啲溫水,先唅係個口度,減少係口入面啲空氣,之後少少....少少咁分幾啖咁呑,就可以了

2.(肚餓)胃痛
肚餓時,胃有啲熱嘅感覺,這時就要食咸食,不過要唔酸,例如華盬餅...

3.(血糖低)胃痛
有手軟腳軟,頭暈眼花時,就係因為血糖低造成,咁就要食甜食,例如一兩粒糖..

希望啲資料可以幫到大家啦^^

減肥 week N

都唔記得幾耐無寫減肥日誌,因為無乜進展所以無乜update大家,但近日本來由持續向下啲身重,特然又返彈....唉!即係打回原形.....近排天氣凍咗,又病咗好耐都未好得返,就係咁水腫又返嚟,足足重咗成4磅.....唉...希望快啲可以減返啦....

不過呢次經驗,今我知道無論你用乜方法減肥,都要用意志...唔係你比咗錢就得....

為咗要減返嗰幾磅,我要努力咁做以下幾點:

1. 要飲多啲水
2. 要做多啲運動(要一星期跳繩(1000下)三日,同去一日GYM)--但係今個星期只係星期日跳咗繩 ><"
3. 晚餐只係飲shake同食菜
4. lunch要食現在吃的一半

希望係新年之前可以減10磅.....仲有唔夠一個月....我要努力呀!!

減肥 week 5 -- 1個月的總結

哈哈,減肥日誌唔知幾時變咗減肥周記..不過無所謂啦...最緊要自己blog得開心,無壓力,咁就無乜問題啦 :）

星期六(2.12.2006),又去咗個nutrition coach度覆磅,話咁快又１個月啦，total只係瘦咗２磅，吋數都有減到啲，但係唔係好滿意,成個月先減到２磅．．．咁我點可以２個月減１０磅喎（因為參加咗減肥比賽，要最少減到６－１０磅先有獎品嫁 >< ) .....新一個月,又要比錢買product ><.....買product時先知原來我飲少咗蘆薈汁,唔知係咪咁所以減得咁小呢?

之後呢個星期加返蘆薈汁嘅份量....嘩,一日肚痛到黑,近排公司又多嘢做,咁點好呀!! 不過近排便便嘅顏色已經變咗...哈哈,終於過咗排毒期,希望可以瘦快啲(nutrition coach係咁同我講過....),仲有近排胃口已經無之前咁大,好奇怪,又無乜特別控制,但自己會收口...唔知係咪啲product終於有效呢?不過近排無乜記性,成日唔記得食溶脂片 :p,如果因為咁減唔到就慘啦!

減肥 Day 16-21 ---- 轉季真痳煩

天氣轉涼,又係時候轉季啦.....
回想起從前呢個時候一定會煩緊,死啦啲褲又唔啱著啦><.....
今年係唯一一年唔洗驚啲舊褲著唔落(好開心呀^^),但係另一個煩惱就係啲褲太大,著得唔好睇,但因為減緊肥,都唔知買唔買新嘅好:p....
媽咪話買緊啲咪得囉,再加上妹妹有折,最後都忍唔住買咗2條,個褲頭由上年最肥到而家,足足細咗2吋...
嘻嘻...kenneth知道一定會好開心^^

減肥 Day 12-15

星期六(day 13),由於下午要同kenneth睇戲,所以一早就約咗個nutrition coach中午時間去覆磅,點知去到個coach都未到,等下等下,敝!肚痛添,咁當然要去下廁所啦......差不多finish嘅時候,個coach竟然去到廁所搵我....可能因為仲係宿便嘅關係起(但係我已經沖咗水嫁啦喎><).....佢估到我做緊乜><,好尷尬呀... 一出去個coach同我講快啲上磅先啦,哈哈,真係輕咗1磅,佢仲笑我,早知去廁所前磅下先啦....><....

跟住就量其他地方,好開心呀,手臂減咗1/4吋,大腿減咗1/2吋....不過我最想瘦嘅肚脯就未瘦過....

要繼續努力先得 ^^

減肥 Day 8,9,10,11 ---- 飲食記錄表

星期六(day 6) 去咗覆磅,nutrition coach 就比咗樣功課我做,就係要我填飲食記錄表....個表唔係好復雜,要填每日幾點食過啲乜嘢,幾點食過佢哋啲product,飲咗幾多水同去過幾多次便便咁.....佢話寫咗,佢同我自己就便加清楚我嘅情況,可以幫助減肥云云.....

咁我一於照做啦,嘩,原來唔寫唔知自己原來可以一日飲成4-5公升水....真係好誇張,因為食完佢哋啲product,就要飲好多水,飲極都唔夠.....好口渴呀...由其係朱古力味,攪到Kenneth猛話我熱氣!

仲有我發現,我自己原來,食得多當日就痾得多....咁啫係話,我身體入面仲有好多垃圾啦.....食完就痾:p....幾時先可以清晒呢?

嚟近星期六(day 13)又要去覆磅,同交功課.....好驚呀,好似無乜點瘦到喎,唔通真係要好似nutrition coach 咁講, 2餐shake,仲要係剩返嗰餐只食600 kcal 咁少?又唔通咁快就有平台期??

減肥 Day 6,7 ---- 1日2代餐

星期六(day 6) 去咗覆磅,當然係無輕到啦,邊有咁快見效先得嫁...不過我個nutrition coach 介紹咗一個over 250磅嘅顧客比我識,話教我減肥喎.....嗰一刻真係好震撼,從來無諗過 250磅會係咁嫁,佢話佢先前其實減過一次,已經減咗100磅,但一減到就唔跟指示食嘢,所以好快就肥返,咁次再減過喎,佢於1星期減咗10磅......我心諗唔係吓話,叫佢教我減肥,我諗我唔嚟呢道減肥都唔會到佢咁啦......

之後nutrition coach就叫我正式減肥,我嚟近呢個星期開始要食2餐代餐,佢perfer代早晚,但如果夜晚要出外食,就要代午餐,而其餘嗰餐就要食大約600kcal嘅食物.....

於是我就係星期日試吓先,由於一早已經應承咗妹妹打邊爐,所以就要代早午餐,早餐當然無乜嘢,但午餐就....我用木瓜加shake嚟飲,諗住飽啲,但係飲咗少少已經唔係好想飲,唔係味道唔好,係好個胃好漲,但又仲係好餓,個肚好空,呢個時候kenneth打電話比我,當然同佢講咗一陣....點知杯shake變杰咗....仲難飲>< .....幾經辛苦終於飲晒,我仲要去食啲節瓜先得(p.s 食代餐係可以食蔬菜啲)..... 但唔到5:00pm就已經肚餓,我忍到6:00pm...忍唔住啦,我等唔到妹妹返嚟就開始自己打邊爐....食到停唔到口....今次真係敝啦.....><

經過今日嘅經驗我聽日會掌握得好啲.....

減肥 Day 3,4,5 -- 消除水腫小貼士

話咁快就過咗3日,情況都同day 2都差唔多,都仲有痾綠色便便,個nutrition coach 話呢啲係宿便嚟,要清咗佢哋先可以減到肥,但次數都無day 2 咁多,平均有1至2次到...

個coach每隔2日就打電話比我問吓我啲進度,佢叫我千奇唔好係屋企磅重,要我返去覆磅先好磅,明明佢個磅同我個磅係一様嫁喎,唔通佢係個磅度做咗手腳??

消除水腫小貼士
呢幾日睇咗本減肥小刪子,入面講到,如果水腫的話,只要飲多啲水就得,因為如果身體長期決水,你一飲水,身體就會自動儲水,留待日後用,咁就係水腫啦,但如果身體知道成日都有足夠嘅水,咁身體就唔會特別去儲水....咁自然就無水腫啦!

好緊張呀,聽日就要去覆磅,唔知有無瘦到呢?

7/11/2006 減肥 Day 2

由於噖日啲shake陣雲喱拿味太濃,所以今日我用多咗啲奶去開,果然好好多...

因為早咗食早餐,所以大約11:30am就餓起來,飲咗檸蜜頂肚就算...唔知係唔係空肚飲咗檸蜜(內含蘆薈汁)加速咗腸嘅蠕動...今日痾咗4次...好誇張.....不過上過磅又無輕過喎.....不過我個nutrition Coach 一早同我講咗頭2星期都唔會點瘦,因為呢2星期係用嚟適應啲product嘅.......

希望快啲見效啦 !!

6/11/2006 減肥 Day 1

要揾幫手減肥當然要付出多少金錢啦,我一共買咗雲喱拿味shake粉,溶脂片,檸檬味草本茶,蘆薈汁,一共4件product,total HK$9XX. 我相信仲要買多2罐shake粉先可以完到今個月啲療程......

今日第一日好多嘢都唔係好習慣,例如一早起身梳洗完要即刻食溶脂片,15分鐘之後,又要開shake去代替早餐,仲要mix草本茶,蘆薈汁加蜜糖(以下簡稱檸蜜)返公司飲,仲要飲好多好多水,每餐5分鐘之前又要食溶脂片.......

一早起身要用250ml嘅水去食溶脂片,仲要飲埋shake真係幾辛苦,仲要唔係好受到咁大陣雲喱拿味,呢陣味久久不散.....好想嘔呀><" 最後要飲咗一早預備嘅檸蜜先可以無咗陣味咋.....

最難就係預時間食片,早午餐都好啲,晚餐真係唔知幾時食先好.....

聽日應該會好啲^^

5/11/2006 減肥開始

近年來,唔知點解香港啲人鍾意著三點式去游水,身為一隻過氣水怪,游水對我嚟講真係一啲難度都無,但最難係要著住件三點式去游水,著一件頭去好似隻怪物咁,所以近年都無乜去游水.......

最唔可以接受就係肥過自己男朋友(男朋友腰圍得28吋咋,而自己嘅腰圍就仲大過同自己嘅年齡)加上Kenneth好希望有一個24吋腰啲女朋友...哈哈咁大個女有意識以來都未試過,自己都好想,所以決定減肥....

其實都試過好多減肥方法,都work架,但係個肚脯減來減去都減唔到,都唔明點解,無理由廿幾歲又未生過會咁肥架嗎,節食又試過,做運動又試過,都係唔得......於是最後都係要揾幫手.....

最係由妹妹介紹去咗間叫做--康XX(由於無收錢,所以唔幫人賣廣告^^),個 Nutrition Coach 同我check過我原來係水腫形肥胖, 我有164cm高(唔知幾時少咗1cm), 中骨架, 所以目標係120磅左右唔可以太輕(其實宜家都係減幾磅咋喎><),好消息係水腫形肥胖,減得最快,但係我嘅目標係要同vivian (周慧敏)一様重(佢有110磅),就未必得囉......,而家就set咗係118磅,但係佢話吋數就一定可以減到喎.....

不過為咗要係30歲之前要著到三點式,一定要努力架......(因為時間無多><)