星期六(day 6) 去咗覆磅,nutrition coach 就比咗樣功課我做,就係要我填飲食記錄表....個表唔係好復雜,要填每日幾點食過啲乜嘢,幾點食過佢哋啲product,飲咗幾多水同去過幾多次便便咁.....佢話寫咗,佢同我自己就便加清楚我嘅情況,可以幫助減肥云云.....
咁我一於照做啦,嘩,原來唔寫唔知自己原來可以一日飲成4-5公升水....真係好誇張,因為食完佢哋啲product,就要飲好多水,飲極都唔夠.....好口渴呀...由其係朱古力味,攪到Kenneth猛話我熱氣!
仲有我發現,我自己原來,食得多當日就痾得多....咁啫係話,我身體入面仲有好多垃圾啦.....食完就痾:p....幾時先可以清晒呢?
嚟近星期六(day 13)又要去覆磅,同交功課.....好驚呀,好似無乜點瘦到喎,唔通真係要好似nutrition coach 咁講, 2餐shake,仲要係剩返嗰餐只食600 kcal 咁少?又唔通咁快就有平台期??
八爪魚丸係我好鐘意食嘅小食之一，一見到街邊有八爪魚丸嘅時候，雙眼係會發日光的....呢個時候有朋友叫我做"小魔星"(據說小魔星係一個好(鍾意食八爪魚丸嘅卡通人物，佢一伸脷就可以將一盆八爪魚丸食晒)但Kenneth一向對八爪魚丸都無乜好感，佢話只係一團粉，無乜好食.....
有一日，我哋去到太古UNY超市旁嘅GINDACO八爪魚丸店....我當然係極力推介啦，Kenneth見我講到咁好食，咁Kenneth就好免強咁買咗一盒小舟(6粒)，佢仲話我食5粒，佢食1粒......但一食，Kenneth就愛上咗佢.....多脆外軟，熱騰騰，香噴噴....真係一試，就停唔到口....最後，Kenneth食咗3粒... - - ' ..
之後，我哋都食過好多次，由之前買小舟(6粒)，變咗買小大舟(10粒)
...仲要係由Kenneth提出的...仲有係唔同分店(銅鑼灣 & 旺角)都試過我哋得出個結論係間間味道都有的唔同，啲墨魚粒的大小也有出入，我地兩個最後覺得UNY嗰間係最好食嘅，但係要留意只係由一位肥哥哥做嘅先係最好食嫁 (另外一位肥哥哥或女員工做可以話完全唔係嗰回事 - -) 因為佢對啲八爪魚丸好有要求，煮係太耐果啲佢會掉嫁，又唔會晨早整定一'舟'二'舟' (唔似旺角店- -) 同埋佢手法比教快又睇住時間，所以啲八爪魚丸唔會老....要食好好味嘅八爪魚丸，就要見到肥哥哥先好買呀^^!
自從有一次同爸爸媽媽係利苑食過蛋白杏仁茶之後,唔知點解就鍾意咗食"糊",今日落咗旺角,見到一間叫石磨坊嘅甜品店(其實幾年前就有朋友話比我知啲間啲"糊"好好味,因為唔係好順路,所以一直都無乜機會食到)今日鍾於有機會試吓,佢哋都有好多種類,有西式的有中式的,因為佢個名叫石磨坊,當然要試吓佢嘅"糊"啦,於是叫咗一碗合桃杏仁糊(hk$16)...
賣相好得,佢哋張合桃糊放係面,之後仲係合桃糊上面用杏仁糊晝咗幾筆,好有art feel, 幾有諗頭, 而且仲可以試到,合桃,杏仁同合桃+杏仁,3 種味添...
味道仲得,啲質地好好,好香,好滑,又唔會太杰,又唔會太水,一食就知係磨出製出嚟,好想食多次呀!
其實石磨坊可以話幾出名,又上電視又上blog.得閑試下啦^^
星期六(day 6) 去咗覆磅,當然係無輕到啦,邊有咁快見效先得嫁...不過我個nutrition coach 介紹咗一個over 250磅嘅顧客比我識,話教我減肥喎.....嗰一刻真係好震撼,從來無諗過 250磅會係咁嫁,佢話佢先前其實減過一次,已經減咗100磅,但一減到就唔跟指示食嘢,所以好快就肥返,咁次再減過喎,佢於1星期減咗10磅......我心諗唔係吓話,叫佢教我減肥,我諗我唔嚟呢道減肥都唔會到佢咁啦......
之後nutrition coach就叫我正式減肥,我嚟近呢個星期開始要食2餐代餐,佢perfer代早晚,但如果夜晚要出外食,就要代午餐,而其餘嗰餐就要食大約600kcal嘅食物.....
於是我就係星期日試吓先,由於一早已經應承咗妹妹打邊爐,所以就要代早午餐,早餐當然無乜嘢,但午餐就....我用木瓜加shake嚟飲,諗住飽啲,但係飲咗少少已經唔係好想飲,唔係味道唔好,係好個胃好漲,但又仲係好餓,個肚好空,呢個時候kenneth打電話比我,當然同佢講咗一陣....點知杯shake變杰咗....仲難飲>< .....幾經辛苦終於飲晒,我仲要去食啲節瓜先得(p.s 食代餐係可以食蔬菜啲)..... 但唔到5:00pm就已經肚餓,我忍到6:00pm...忍唔住啦,我等唔到妹妹返嚟就開始自己打邊爐....食到停唔到口....今次真係敝啦.....><
經過今日嘅經驗我聽日會掌握得好啲.....
