雖然過咗一個無乜特別嘅中秋節,因為我地都要各自陪伴自己嘅屋企人,所以無一齊過,不過無所謂啦,希望下次有機會啦.不過好彩,多得 Live in Lamma blog 主 --- simon 攪咗個追追月燒烤Party,咁我地先至可以同一班舊同事過咗一個好開心嘅 weekend.
由於之前 Vivian bbq食過燒蝦好好味,所以特地買蝦去bbq.我地行咗去太古吉之島嘅supermarket,但係無蝦賣,於是我地行咗去UNY嘅supermarket,終於見到有蝦買....不過要成HK$8一隻,本來唸住一人2隻, 但又好似好多同有啲貴,好彩有個好好嘅員工嬸嬸,介紹咗我地買一盒盒嘅雪蝦,一盒大約有8-10隻,都幾大隻架,一盒HK$78,於是我地買咗2盒,買埋蒜蓉,又買左啲青,黄,紅椒....本來Kenneth唸住買西瓜,但係無得買......於是出發去Simon屋企.... (Vivian: 雖然行咗一陣,不過我好鍾意行supermarket,特別係同Kenneth一齊行,好sweet sweet :), 其實Kenneth 好唔舒服,仲發緊燒,不過知我為食又貪玩,唔想我唔開心,所以都陪我去, THX THX :)) (Kenneth: 今次gathering又真係幾難得嘅,頂硬上啦...不過以家又病過..-_-)
買完嘢之後,就出發去Lamma Island啦!去碼頭,vivian見到有船就想行去入閘,好彩Kenneth拖住Vivian,原來隻船係去長洲架(Vivian:好彩Kenneth見到,唔係就唔知去咗邊樹囉....) 終於上咗隻去榕樹灣嘅船...安全到達Lamma Island,記得Simon女朋友---Vivian (Vivian:同我同名呢!) (以下簡稱為細v,希望Vivian唔好介意啦) , 講過近碼頭有間麵包店啲麵包好好食,燒嘢食點可以少得---蜜糖多士呢,所以買咗一包白方包同百吉包,原來有啲朋友仔已經入咗嚟食近嘢,於是join埋佢地買埋啲嘢就上去Simon屋企,原來細v已經同simon用咗一日時間預備食物,包括bbq嘅食物,一啲已煮熟咗嘅食物同水,多謝多謝!! :) 就係咁我地有多啲時間玩...
行咗一條好長嘅斜路,終於到咗Simon屋企,細v就攞咗好多嘢食出嚟包括印度棷汁糕同提子鬆餅請我地食,全部都係細v做嘅,好好味....由於時間尚早,simon仲攞咗佢張吊床出嚟玩添... (Vivian:咁大個女都未玩過吊床架...好開心呀!但係Kenneth好大力搖張床好驚呀! ><) (Kenneth: 我得好好玩喎 hehe :p)
玩咗咁耐都係時候食嘢啦!!我地有好多嘢食,包括:蒜蓉燒大蝦,牛扒,豬扒,雞肉腸,雞腎,多春魚,蜜糖多士,百吉包,魷魚鬚,咖喱魷魚.....仲有好多紅椒,黃椒,青椒,西蘭花同生果.... (Vivian:好好味,推介:多春魚,不過要Kenneth燒先好食 :) )
(Kenneth: 重點係魚要放爐近外圍的地方焼, 如果唔係"爆春"實在難免 :p, 最後到將近熟的時間在一面狂散華鹽(胡椒+鹽)待佢燒一陣, 再反轉做埋另一面. 其實我知如果用鰻魚燒汁仲好味:p. 另外當日做錯左啲野,的蔬菜應該用錫箔紙包住牛油芝士燒....... ><)
燒完嘢食,當然要幫主人家收拾殘局啦,Simon就預備咖啡比我地飲....時候唔都唔早,又係時候返屋企,我地由主人家帶路,行咗一條好黑嘅路(Kenneth: 沿途仲有兩三個墳頭, 都幾驚! 好在Chris 哥一早比定喜帖過我地個心先定啲).....好快就去到碼頭....真係好開心呀!!希望好快有機會再玩過啦!!
P.S. 當晚主人家simon充當 Disc Jockey 播放由泰國購回的歐西名曲, 實在讓當晚的活動昇華到另一層次......正!!!!
有請Simon..........
偎!做詳走啊 ....
