與肥肥人行MACAU (澳門) 之 七 澳門手信齒香餅食

大家可能好奇怪,澳門遊記而經係兩個月前嘅事啦,唔通Kenneth同Vivian嘅生活已經冇咩新意,變得枯燥.......哈哈正正相反我們剛先過了個甜都'溜'開心都震的星期六呢! (Kenneth:係咪好羨慕呢^^)(Vivian:報告男朋友,小女發現Mon前已有幾打網友不支倒地)(Kenneth: (- _-') 咁....講反正題...)其實係因為細作回報,原來好多網友都係因為search"澳門手信"或"齒香餅家"而誤入本blog,為左令佢地不枉此行,所以再寫多小小關於齒香餅食比大家睇啦!

首先介紹嘅當然係最有代表性嘅杏仁餅啦.齒香嘅杏仁餅明顯比'巨'記或'咀'記的來得粗糙,而且也不似前兩者的餅般顏色淺黃乾淨,相反齒香的餅身都帶有些少烤焦的棕色,味道濃而香口,我會形容'巨'記的杏仁餅味和色都似'馬沙'買的老外杏仁餅,而齒香的就相當中式地道,中間小小的糖肉心亦都另有一番滋味.

如果你係非常喜歡咬碎杏仁的口感,及碎杏仁一刻釋出的烤杏香的話,沒有肉心的粗粒杏仁餅會係一個非常值得的選擇.


你可能會覺得,就算Kenneth講識飛都係杏仁餅之嗎,咁我會一邊可憐你的愚昧,一邊介紹你試下這個金錢餅.

佢有好強烈而純粹嘅煎蛋香味,而且出奇地輕身同鬆脆,一口一塊,會給食慣香港零食的你一個很大的驚喜.



最後奉勸嗰啲自認潮人的人不要去打攪這間不入主流又產量不多的老餅店,因為你可能會為左佢地個老式紙盒包裝及舊式印刷膠袋而唔高興.不過我卻非常感謝佢為我同我的婆婆帶來一個很珍貴的共同記憶^^...最後再提醒大家記得試埋佢地啲陳皮,如果唔係你就真係走寶啦!