秋風起三 'Sir' (Chris, Ivan, Thomas ^^' ) 肥 ..... 蛇宴實錄

有一日,為食嘅Vivian就問Kenneth: 有冇食過蛇宴呀?

大鄉里Kenneth:冇呀...

Vivian:咁想唔想食?

Kenneth:都想嫁...

就係咁Vivian就四出尋找食蛇宴啲地方,但通常食蛇都係參加一啲團體包辦啲活動,而且又要同埋啲唔識嘅人係一枱食,Kenneth一定唔會去嫁(佢有潔癖嫁 :) 所以一時間都唔知去邊度食好。咁Vivia唯有去Internet search下啦, 就係咁比佢search 到呢間 彪哥海鮮菜館。呢間菜館話佢哋有好多電視台嚟過訪問...好似好勁咁,一於去試下先得....

於是vivian搵咗一班為食軍團,一齊去試下,就咁一行7人,就係前晚去咗食蛇....食完好野當然要向大家介紹一下啦....

彪哥海鮮菜館

環境:ok

服務:ok

價錢:HK$160@ (無加一,但收咗茶錢, hk$5@)

1) 太史五蛇羮
好味道^^, 好鮮味, 老闆叫落啲青檸檬絲同脆脆, 就仲好味, 不過唔知點解無菊花嫁呢 ? 但係每人得一碗,咁少唔係好夠添....




2)鹿柳飄香
都真是非常好好味, 啲鹿柳好滑好林, 有啲似駝鳥肉, 但仲要林同滑啲, 呢味有啲wasabi味,好特別....好似話係得獎作品,值得一試。




3) 蘇炸五蛇丸
用咗啲蛇,馬蹄,豬肉....炸咗,香口鮮味,不過一人得一粒。




4) 蛇肉讓東菇
都係用蛇丸嘅材料讓落啲東菇道,再蒸....ok唔錯,不過又係一人一隻。





5) 椒鹽蛇碌
好好味, 要用手先食到,因為炸完,啲蛇彎咗..... 呢味可以直接食到蛇肉..同見到蛇啲肉紋,哈哈,真係好好味,一定要食^^, 好彩今次唔係一人一件...哈哈不過得kenneth可以食到2件 :)


6) 鹿汁浸雞
係用鹿汁嚟浸熟嘅雞,雞好滑,好有雞味,雞肉又'林',比起許多專門食雞嘅地方更加嫩滑,正!!!


7) 枝竹羊脯煲
都係咁上下啦,無乜特別.....不過份量好小,唔夠七人食(難為了Chris ^^')....




8) 砵酒生蠔
超一流好味,連唔係好鍾意食蠔嘅vivian都話好味,不過就熟咗少少...必食。


9) 生炒糯米飯就無乜特別 lu ...可以不提。

10) 甜品
本來就沒得送嫁啦....不過經vivian問下,老闆就比咗幾杯甘荀蓮子汁又名"紅蓮汁"及"南瓜露"比我哋飲......ok啦,食完熱氣野飲左佢地又幾舒服:p


食完之後,為食軍團一致認為: ****好味!!!(最高係五粒*****),直得再嚟,不過每樣份量都好小,食完好似唔係好夠咁。如果叫小菜食飯就會好啲。另外個web site仲係四年前嘅data,有啲out, 要食最好係打電話問下先好....

最後絕對要多謝為食軍團幫忙, 如果唔係就食唔成蛇宴啦^^

The same as our blog name ..... THANKS A LOT^^