好友們我番泥啦!!!!...... 一陣咁多啦

To jesse: 你都買左30D, 我都想要部5D...... 不過VIVIAN昅到實無得買(不過佢琴日自己走左去買幾千蚊鞋 :P)

To Martin: 我都想去旅行呀.........好忙份工又有啲muggy

To Simon: 阿興睇實你呀!唔好上網啦!佢叫你無野做搵佢.

最後祝大家安好, 我都祝自己安好!

在此奉上我最近好想玩嘅野(不過精,氣,神都嚴重貧乏)

Ubuntu 7.10 (Gutsy Gibbon)

及詳細介紹

Vivian食食食之食到台灣(三) -- 至林夜市

食完九份...再接再厲...今次嚟到至林夜市再食過

1)　蚵仔煎

蚵仔煎啲醬汁同蚵仔煎唔係好match.....都係潮州蠔仔餅好食啲

呢間仲係教小豬係"轉角遇到愛"做蚵仔煎

2) 肉骨煲

好多骨呀....其實啲骨無乜特別....啲湯好味啲...但係啲湯得小小

仲有食咗其他嘢不過無影到相...

例如台灣腸..好好味...必食.....

仲有啲好似花枝x(唔記得叫乜名添)....係炸嘢嚟...不過好似食麵粉咁...再加埋蚵仔煎啲醬汁...唔好食呀

仲有飲咗2杯白苦瓜汁...好味

馬力已死

天理循環,報應不爽!

Vivian食食食之食到台灣(二) -- 九份

第二站 -- 九份

哈哈,嚟到九份已經係黃昏,景色係咪好靚呢?領隊話我哋好好彩,因為九份成日都落雨嫁,但係我啲去嗰日係好好天, lucky ;p


話明係食食食,嚟到九份當然又係食食食啦...

1)　粉圓 (哈哈都唔係好記得個名添）（要最入阿婆嗰間喎）


粉圓係用唔同嘅番薯等等搓成一粒粒好似湯圓啲嘢，好好味，好彈牙，不過
好飽

２）　三色肉丸　

包括頁丸,墨魚丸同爆漿肉丸...見到咁大粒咪食下，都好好味...特別係墨魚丸好彈牙嫁，不過如果好飽可以唔食

３）牛肉麵

嚟到台灣，又點可以唔食牛肉麵．．．但係要小心係牛肉麵唔係牛肉湯麵喎，如果你叫牛肉湯麵，嚟到無牛肉唔好打人呀．．．因為你叫嘅真係牛肉湯．．．麵．．．（　哈哈．．放心．．價錢係唔同嘅）講返啲牛肉麵．．．其實真係唔係咁好食，唔林，唔好味，可以唔食，我阿
媽又講嗰句－－都係我煮得好味啲　（因為媽咪話煮呢啲牛肉一啲難道度都無有機會教大家煮下）

Vivian食食食之食到台灣(一) -- 深坑豆腐街

今期vivian帶大家去台灣食食食...今次係無kenneth份嘅,代替kenneth嘅係Vivian媽咪...hehe (因為食都係vivian家族"好"啲)

第一站---深坑豆腐街

故名思意呢度係食豆腐嘅,呢度嘅豆腐出名係唔用石膏粉做,所以好滑喎,做法好似日本啲豆腐咁....

首先要食嘅係深坑出名嘅臭豆腐

呢度啲臭豆腐一啲都唔臭,其實無乜味,不過佢哋唔係油炸係用燒啲,加上一啲炸菜,味道都幾好嫁,不過如果佢唔係話佢哋係臭豆腐,係燒豆腐,咁我會覺得好食啲 ^^

跟住食嘅係黑豆豆花

唔知係咪台灣人同香港人口味唔同,佢哋啲豆花係唔甜啲,仲係用黑豆漿加豆花同珍珠咁食....本人就真係唔識欣賞啦...我係最怕無甜味啲豆花同豆漿, 因為我無甜味啲豆品我係會食到有豆腥味...

其實當日仲係呢度食咗一個豆腐宴,味味都好食好食,但係一枱人食飯唔好意思影相,所以無相睇啦....而且呢度啲雞蛋同雞都好好味....一定要食呀

最後當然唔少得大熱天時最好嘅甜品...豆腐雪糕

好重豆腐味,但唔似係香港食啲豆腐雪糕嘅味道,不過我就好鐘意啦,係當地新鮮做...好好味呀 ^^

當SATA DVDRW 遇到「安全移除硬體」的 tray icon

由於舊的DVDRW死左, 所以近日在百忙中也買了部SATA DVDRW. 點知安了之後發覺經常有「安全移除硬體」的 tray icon的出現問題, 經SEARCH後,得到以下資訊:

移除 NFORCE Motherboard SATA 硬碟「安全移除硬體」的 tray icon 方法
1. 執行 regedit
2. 找到機碼 (電腦應該只有下面的其中一個）HKEY_LOCAL_MACHINE\SYSTEM\CurrentControlSet\Services\nvata
或
HKEY_LOCAL_MACHINE\SYSTEM\CurrentControlSet\Services\nvatabus
3. 新增一個 DWORD 值，名稱取名叫 DisableRemovable，值給 1

重開機，以後 SATA 硬碟就不會變成可以移除裝置了

病榻上細想我的回歸十年 (一)

因為脫智慧齒的關係,暫時不能吃固體食物,面也腫了,人也有點發燒,整個人虛虛浮浮,醫生為了我的生命安全及健康設想,於是發了四天病假給我.

看着這張假紙,我可是感到滿可憐的. 要說點解,先要講一講背景.

我現在是在替可能係全港最大的顧主工作,可是我既不是阿公的服務人員,又不是直接合約制的員工,簡言之就是外判合約制.我的合約裏頭有這麼一句"病假若不是連續四天的話,缺席上班只當年假處理".......... 作為一個為口奔馳的年青人,因為家人都已經退休,為了不加重他們的負擔,就算年假有七日之'多',我也只會請一至兩天作為讀證書時去考試之用,有餘的我也希望能用假期換金錢,用以參加多些專業證書課程,還望能對職途有所幫助...........平日小病一兩日就算有發燒,也不能請病假只好頂硬上班,我作為土生土長真真正正的香港人,政府有為了我的健康作保護嗎,連合理的病假也沒有.........雖然我在阿公的地方工作..............眼望阿公的服務人員病了就sick leave,我在想阿公你有冇當過我係人..........

經過一年在阿公的地方工作,心情也變得憂鬱了,阿公的服務人員可以在上班時間而不用上班,更不需自己攞錢出來,而被阿公安排去上一些價值幾千到萬幾元的專業證書課程,最後更可獲阿公擔保去獲得專業證書. 但我們這些外判合約制,如果想在離職時想要一張用'阿公'信紙印出的工作證明,卻必定被斷然拒絕..........觀乎這些阿公的服務人員,絕大部份如果不是免費,都不會自發地上完九個鐘班之後,走去在工餘的時候讀書的人.........觀乎自己,為了祖上高堂,同作為一個有傲骨的香港人,真金白銀攞自己的血汗錢去上同樣的course, 每一個課程也用了近半的人工, 上完九個鐘班再去上3個多鐘堂, 回家還要溫習, 所以一年裡頭連旅行都不捨得去一次, 去南丫島以覺得奢侈.......

同樣工作, 皆因'價低者得'的關係,人工原本已經同阿公的服務人員有一段距離,現在他們又來個九月加薪還可以向上追討四個月.....每天看着他們談論點樣買車玩, 用十幾日假期去邊度外國玩.........自己還要為生活發愁..... 回看自己份合約,阿公規定要辭職,要有一個月通知外,仲要罰大半個月人工,成萬幾'蚊'........如果我地人工高都仲話呀,人工跟本就只係市價, 仲要比人'湯'...............我在想阿公你有冇當過我係人..........

還記得第一次合約到期,同上師講可否加我人工,因為我做到本份, 但人工behind market rate一截......點知佢一句就話幫唔到手,叫我自己同agent講............心想玩我咩, 同agent講,佢第一句就叫我自己搵下工先,如果平日搵,就算搵到工,一個月通知外,仲要罰大半個月人工(過萬銀!!), 你當我有錢仔咩, 邊度有錢倍........如果完contract前一個月先去搵, 人地又未必有offer, 如果兩頭都搵唔到,唔通食穀種咩.....................

上年因為阿公的服務人員加人工3點幾percent,於是OGCIO加左1點幾percent 比 agent, 我想幫阿公做野嗰個係我, 我都應該加啲啦.........點知打電話同agent傾, 佢話合約係我同agent簽, agent賺多啲唔關我事....................每次阿公的服務人員加人工,公司內的 email實係到處飛,講點加點加, 我地外判合約制員工望住,又憤怒又打擊士氣..................日子就是這樣一天一天的在精神打擊下捱著..........