新年啦 ^^ 祝大家豬年行大運呀!
想我年紀還小的時候,佈置屋企當然又係我嘅責任,更加係我嘅興趣呢!家中一定會貼大財神畫像,再加上揮春,雖然很有氣氛,不過揮春貼過一年就不能再用,用現在的角度看,的確不是太環保,所以我同vivian係上年行花市的時候就買了這種可以再用,又有傳統特色的剪紙掛畫,寓意'褔氣臨門,年年有餘'
除了視覺佈置,當然嗅覺,也要讓大家感到新年的歡愉,特別鳴謝vivian今年同我一齊捧了這盤大水仙同一盤成雙蘭花回家,現在我的客廳可唯一室香氣,春意綿綿.
視覺同嗅覺之外當然還有味覺,滿滿的全盒,正等着我的親朋戚友,一邊說笑一邊止牙痕呢!
講到新年我就絕不含糊，一定要有年'高'(年糕)同年花，先至似樣，一如以往我一定會去銅鑼灣'華麗園'買一個超正的椰汁白糖年糕回家與家人一同分享，雖然近年'華麗園'，還有甚麼金薄，玫瑰年糕，不過我還是對椰汁白糖年糕情有獨鍾，我對食有一份執着，食物冇論功夫同用料都一定要'足料'，要求實而不華，'華麗園'白糖年糕正正就有這份傳統.
雖然厚度只有一寸多啲，但攞上手你一定驚覺佢嗰種不一般的重量以及比木頭還硬實的質感，代表住裡面沒有丁點多餘嘅水份，再加上一開盒一陣濃厚的椰子香撲面而來，這一切都代表住裡注入了非常多的椰汁,及對食物的一份堅持.
一方面講求健康，一方面喜歡食出原味的我特別喜歡蒸年糕，可是一般酒家的年糕因為做好之後，沒有足夠的時間去把多餘的水份揮發，所以蒸起來一定會'水水'的，溶化得像糖槳一樣，相對之下,跟足傳統要求的'華麗園'白糖年糕，蒸了之後依然有'型'，食起來厚實嘅質感再加上，每一下咬落去，椰香充滿口腔，令人有種好滿足的感覺，更讓人立時想'衣食無憂'四個字.....中國人的新年要的就是這種感覺.
來到年三十，係到vivian同我向各位拜個早年，祝各位步步高昇心想事成，恭喜恭喜!
今年係我哋一齊嘅第二年情人節....
vivian就送咗自己做嘅朱古力cookies比kenneth
而且我哋就返傳統去咗北京酒樓食kenneth好鍾意食嘅片皮鴨,賽螃蟹,宮保蝦仁,瑤柱豆苗同高力豆沙添.....
食完飯,就更加唔小得要攞住束花係尖沙咀行下啦 :p
不過束花太重,行咗唔係好耐,vivian就叫不如返屋企玩下貓貓仲好啦...哈哈...
Happy Valentine's Day
好不容易又過一年，今年可以話有人歡喜有人愁，無論經濟唱到點好，可是生活在貧窮線下的依然數埋成籮，跟據我家婆婆的說法，來年可以話一定係難年，艱難嗰個難，點解甘講，理由絕不迷信..
首先，她說觀孚政府對市民放假之態度可見一斑，明明可以補假補初四，偏偏政府走去補年卅，大家都明知係星期六，補左等於冇...其實先例一早就有，打風唔掛八號，落狗落貓都唔掛黑雨就知..都係嗰句'驚有經濟損失'嗎!
第二，月薪人工個個月都係甘多，放少日市民會賺多左咩，賺嘅唔係又係財團，你荒啲'大粒'會攪春茗咩，間間公司唔係外判，就係合約制，最衰嗰隻叫外判合約制，好境花紅冇你份，衰時七日通知就玩完，以我工作地方為例，去食ANNUAL DINNER都要自己比錢，唔講你唔知我家士頭可是全港最大顧主，但我身為外判合約仔，加薪獎金都唔洗提...
第三，日日做到冇停手，實行挑戰全球最高工時，連傳統節日都來個諗縮數，講真我手腕腰骨都因工作時數太長，造成職業勞損，想放多日休息下都冇...唔講你唔知，全港最大顧主的外判合約之下，你要病夠四日加上醫生紙，先有病假...有薪年假只有七日，平時病一日兩日都要扣年假抵數，想春節家庭樂...我阿婆都識講句'想春你啊! '....比錢買假放啦!
第四，貧者越貧，富者越富，好似我地呢啲做得四五年野想置業，想唔拱樓拱都肺癆都難，再加上地產冇枉管，新樓發水冇人埋，600呎實收400，淨計窗枱都有二，三十平方尺....阿婆話齋:'曾蔭權，應該叫真陰公，乖孫人地養綿鯉都唔理你呀，自求多福呀'
婆婆我收到啦，在此願大家自求多福，身體健康啦.
每日阿pool都會懷住開心又緊張嘅心情去蜜糖罌到食佢最鍾意嘅蜜糖....
點知今日,當阿pool同以往一樣,又去到蜜糖罌到食佢最鍾意嘅蜜糖嘅時候..........
阿 pool :>< 啊!!!!!!!!!!邊個食晒我啲蜜糖呀?.......鳴鳴鳴... 
賊人竟然係.................阿仔!!
有一日當Vivian睇緊英文台的恐龍紀錄片嘅時候.........突然聽到一聲沉穩的猛獸叫聲....嚇得Vivian背脊一寒..雙目睜大.....戰戰兢兢...小心翼翼....生怕打草驚蛇.......這時映入眼中的可是一隻奇珍異獸...劍齒虎的血族......仔仔!!!
